Video : मेगास्टार चिरंजीवीच्या वाढदिवसानिमित्त नव्या चित्रपटाचा टिजर

मुंबई : साउथचे मेगास्टार चिरंजीवी यांचा आज वाढदिवस आहे. साउथचे चित्रपटप्रेमी त्यांच्यावर अपार प्रेम करतात. त्यांचा एखादा चित्रपट येणार असेल तर त्यांचा फॅन क्लब अक्षरश: लाइन लावून तिकीट घेऊन चित्रपट पाहतात. सुपरस्टार रजणीकांतप्रमाणेच चिरंजीवी यांचाही एक वेगळाच फॅन क्लब आहे. त्यांच्या वाढदिवसानिमित्त व्टि़टरवर आज हॅपी बर्थडे मेगा स्टार आणि हॅपी बर्थडे एव्हरग्रीन मेगास्टार असे ट्रेंड सुरु आहेत.

सोशल मिडियावरती आज मोठ्या प्रमाणात याचीच जोरात चर्चा सुरु आहे. साउथचे मेगास्टार चिरंजीवी यांचा आगामी चित्रपट 'सई रा नरसिम्हा रेड्डी' चा टीजर काल रिलीज झाला. टीजरवरून चित्रपटाची कथा आणि अॅक्शन खूप दमदार असेल असे दिसते आहे.

तसेच चित्रपटातील ग्राफिक्सही खूप दमदार दिसत आहे. चित्रपटात बॉलिवूड सुपरस्टार अमिताभ बच्चन हेदेखील गेस्ट रोलमध्ये दिसणार आहेत. ही कथा स्वातंत्र्य सेनानीच्या खऱ्या आयुष्यावर आधारित आहे. हा चित्रपट 2 ऑक्टोबरला रिलीज होणार आहे. टीजर पाहिल्यानंतर सर्वांचीच उत्सूकता आता वाढली आहे.