Rowdy Bhati Death: सोशल मीडिया स्टार रावडी भाटीचा अपघातात मृत्यु

Rohit Bhatiya Aka Rowdy Bhati: सोशल मीडियावर नेहमीच वेगवेगळ्या प्रकारचे व्हिडिओ शेयर करुन नेटकऱ्यांचे लक्ष वेधून घेणाऱ्या स्टार सेलिब्रेटी रावडी भाटीचा अपघात झाला आहे. तो अपघात एवढा भीषण होता की, त्यात त्याचा मृत्यु झाल्याची धक्कादायक माहिती समोर आली आहे. राउडीच्या जाण्यानं नेटकऱ्यांना आणि त्याच्या चाहत्यांना मोठा धक्का बसला आहे.

वयाच्या अवघ्या २५ व्या वर्षी राऊडी भाटीनं अखेरचा श्वास घेतला आहे. त्या अपघातामध्ये त्याचे दोन मित्रही गंभीर जखमी झाले आहेत. भरधाव वेगात जाणारी त्यांची कार ही एका झाडाला धडकली आणि त्यात ते गंभीर जखमी झाले. मात्र त्या अपघातात राऊडीला आपले प्राण गमवावे लागले आहे. हा अपघात ग्रेटर नोएडा याठिकाणी झाला.

रोहित भाटी हा सोशल मीडियावर रावडी भाटी म्हणून ओळखला जातो. त्याच्या मित्रावर एका रुग्णालयात उपचार सुरु आहेत. सुत्रांनी दिलेल्या माहितीनुसार, ते तिघेजण एका पार्टीवरुन परतत होते. त्यावेळी पहाटे तीनच्या सुमारास तो अपघात झाला. भरधाव वेगात असलेल्या त्या कारला वळण घेणं शक्य न झाल्यानं ती थेट एका झाडाला धडकली. ती धडक एवढी भीषण होती की, त्यात दोन मित्र गंभीर जखमी झाले तर भाटीचा मृत्यु झाला.

भाटी हा सोशल मीडियावर हा सेलिब्रेटी म्हणून लोकप्रिय होता. फेसबूक, इंस्टावर त्याचे लाखो चाहते होते. त्याच्या जाण्यानं आता चाहत्यांना मोठा धक्का बसला आहे. त्याच्या वेगवेगळया पोस्ट या नेहमीच चाहत्यांसाठी चर्चेचा विषय असायच्या. त्या व्हिडिओला फॉलो आणि शेयर करणाऱ्यांची संख्याही मोठी होती.