सुपरस्टार रजनीकांत आणि कमल हासन लवकरच एकत्र

नवी दिल्ली : सुपरस्टार रजनीकांत, कमल हासन यांचे चित्रपट पाहण्यासाठी प्रेक्षक आतुरलेले असतात. या दोघांची स्टाईल, अभिनय, रुबाब फारच वेगळा. भारतीय चित्रपटसृष्टीतील हे बिगस्टार्स १९८५ मध्ये प्रदर्शित झालेल्या ‘गिरफ्तार’ चित्रपटात एकत्र झळकले. आता तब्बल ३५ वर्षांनंतर एक उत्तम योगायोग जुळून आला आहे.

दिग्दर्शक लोकेश कानगराज यांच्या आगामी चित्रपटात हे दोघे एकत्र दिसणार आहेत. लोकेश यांनी नुकत्याच दिलेल्या एका मुलाखतीत याबाबतचा खुलासा केला आहे. ‘माझ्या आगामी चित्रपटाची कथा रजनीकांत आणि कमल हासन यांच्याकडे मी पाठवली होती आणि ही कथा त्यांना फारच आवडली आहे’, असे लोकेश यांनी या वेळी स्पष्ट केले. 

web title : Superstars Rajinikanth and Kamal Haasan together soon