संजय लीला भन्साळी यांच्या चित्रपटात आपली प्रमुख भूमिका असावी यासाठी कित्येक कलाकार धडपडत असतात. भन्साळी यांच्या चित्रपटात काम करण्यास अभिनेत्री तापसी पन्नू हिचे नशीब फळफळले. पण तिचा आनंद जास्त काळ टिकू शकलेला नाही. कारण आता या चित्रपटात तापसी ऐवजी दीपिका पदुकोण हिचे नाव फायनल करण्यात आले आहे.
अमृता प्रीतम आणि साहिर लुधियानवी यांच्या प्रेमकथेवर आधारित चित्रपट भन्साळी घेऊन येत आहेत. सूत्रांच्या माहितानुसार, चित्रपट निर्माते अमृता आणि साहिर यांच्या भूमिकांसाठी कलाकारांच्या शोधात होते. त्यासाठी अभिषेक बच्चन आणि तापसी पन्नू यांची निवडही करण्यात आली. पण आता मात्र तापसी ऐवजी दीपिकाला अमृता यांची भूमिका करण्यास ऑफर करण्यात आले आहे.
सलमान खान, दीपिका आणि आलिया भट्ट यांच्या 'ईन्शाल्ला' या चित्रपटाचा भाग होणार नसल्याने आणि दीपिकासोबत पुन्हा एकदा काम करायची ईच्छा असल्याने भन्साळी यांनी हा निर्णय घेतला असल्याचे समजते. यापूर्वी अमृता यांच्या भूमिकेसाठी ऐश्वर्या राय बच्चन आणि तापसी पन्नू यांच्या नावाची चर्चा होती. अभिषेक आणि दीपिकाने 2014 ला 'हॅपी न्यू इयर' चित्रपटात एकत्र काम केले होते. आता पाच वर्षांनी ते चित्रपटात पुन्हा एकत्र दिसतील.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.