वरुण धवनने दिला चक्क 'धर्मा प्रॉडक्शन'च्या दोन चित्रपटांना नकार

मुंबई  ः धर्मा प्रॉडक्शनच्या स्टुडंट ऑफ द इअर या चित्रपटापासून वरुण धवनची हिंदी चित्रपटसृष्टीतील यशस्वी इनिंग सुरू झाली. या चित्रपटामुळे वरुण धवन, आलिया भट आणि सिद्धार्थ मल्होत्रा या कलाकारांना स्टारडम प्राप्त झाले. त्यानंतर वरुणने धर्मा प्रॉडक्शनच्या काही चित्रपटामध्ये काम केले. परंतु अलीकडे वरुणचे 'स्ट्रीट डान्सर 3डी' आणि 'कलंक' हे महत्त्वाकांक्षी चित्रपट बॉक्स ऑफिसवर फारशी कमाल करू शकले नाहीत. 

मोठी बातमी ः अजय देवगणचा 'भुज...प्राईड ऑफ इंडिया' आता ओटीटीवर

त्यामुळे वरुण आता खूप काळजीपूर्वक चित्रपट स्वीकारत आहे. आता त्याचा कुली नंबर 1 हा चित्रपट प्रदर्शनाच्या मार्गावर आहे. त्याचे वडील डेव्हिड धवन यांनी हा चित्रपट दिग्दर्शित केला आहे. लॉकडाऊन संपल्यानंतर आणि चित्रपटगृहे सुरू झाल्यानंतर हा चित्रपट प्रदर्शित होईल. मात्र सध्या वरुण कोणत्या चित्रपटाचे चित्रीकरण करणार किंवा कोणता चित्रपट स्वीकारणार याबाबत सगळ्यांना उत्सुकता होती. 

मोठी बातमी ः ज्येष्ठ दिग्दर्शक बासू दा अनंतात विलीन; चित्रपटसृष्टी हळहळली

मात्र आता वरुणने चक्क करण जोहरचे अर्थात धर्मा प्राॅडक्शनचे दोन चित्रपट नाकारले आहेत. त्यापैकी एक आहे 'मि. लेले' आणि दुसरा आहे 'रणभूमी'. 'मि. लेले'ची स्क्रीप्ट वरुणला पसंत पडली नाही. त्यामुळे त्याने या चित्रपटाला नकार दिला आहे आणि 'रणभूमी'मध्ये त्याला काही मजेशीर आहे, असे वाटले नाही. खरंतर या दोन्ही चित्रपटांचा दिग्दर्शक शशांक खेतान होता आणि त्याने व वरुणने 'हम्टी शर्मा की दुल्हनियां' आणि 'बद्रिनाथ की दुल्हनिया' असे दोन चित्रपट यशस्वी दिले आहेत. त्या दोघांची केमिस्ट्री चांगली जुळलेली आहे; मात्र तरीही वरुणने या चित्रपटाला नकार द्यावा याबद्दल आश्चर्य व्यक्त केले जात आहे. शिवाय आता वरुणला कॉमेडीचा ओव्हरडोस असलेल्या भूमिका करायच्या नाहीत. कदाचित त्यामुळे त्याने करण जोहरला नकार दिला असावा, असे समजते.