औरंगाबाद : कपाशीच्या शेतात आढळले नवजात अर्भक  

baby-1.jpg
baby-1.jpg

शिऊर (जिल्हा-औरंगाबाद) : सावखेड (खं) (ता. वैजापूर) फाट्याजवळील शेतात शुक्रवारी (ता.७) सकाळी नवजात अर्भक (पुरुष जातीचे) सापडल्याने परीसरात एकच खळबळ उडाली. गट नं.३०३ मधील कपाशीच्या शेतात अज्ञाताने गोंडस बाळाला टाकून पळ काढला. 

परीसरातीलच शेतीकामा निमित्त गेलेल्या शेतकऱ्यांना बालकाचा रडण्याचा आवाज आला. त्या ठिकाणी जाऊन पाहिले असता साधारण तीन-चार तासाचे पुरुष जातीचे नवजात अर्भक उघड्या अवस्थेत दिसले. त्याच्या आजूबाजुला दोन कुत्री देखील दिसली. त्यावेळी शेतकरी घाबरून गेला. बाळाच्या अंगा, खांद्याला व चेहऱ्याला मातीने माखलेले होते. प्रथम हे दृश्य पाहून ते भांबावले. त्यांनी घटनेची कल्पना ग्रामपंचायत सदस्य भाऊसाहेब काळे, पोलीस पाटील शिवाजी पवार यांना दिली. त्या बाळाला कपड्यात गुंडालळे. तोपर्यंत गावातील लोकांनी घटनास्थळी धाव घेतली. घटनेची माहिती शिऊर पोलीसांना देण्यात आली.

सहाय्यक पोलीस निरीक्षक सत्यजित ताईतवाले, पोलीस हेड कॉन्स्टेबल रामचंद्र जाधव, सुभाष बकले, रमेश टोम्पे, भारत तमणर, बालाजी कोणगीरवार, आळणे मॅडम आदींनी त्या गोंडस बाळास (शिशु) घटनास्थळावरून ताब्यात घेऊन दुध पाजून चांगल्या कापडात गुंडाळून महिला पोलीस कर्मचारी आळणे मॅडम, भुरे मॅडम यांच्या ताब्यात दिले. 

शिऊर प्राथमिक आरोग्य केंद्रात बाळाची तपासणी करून औरंगाबादच्या (घाटी) शासकिय रुग्णालयात त्यास हलविण्यात आले. न्यायालयाच्या आदेशानुसार बालसंगोपण केंद्रात दाखल करण्याची प्रक्रिया शिऊर पोलीस ठाण्यात सुरु होती. 

संपादन-प्रताप अवचार

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com