भाजप महापालिका निवडणूक जिंकणारच, असा विश्वास व्यक्त करत नेत्यांकडून कार्यकर्त्यांना बळ देण्याचे काम सुरु

औरंगाबाद : महापालिका निवडणुकीची तारीख अद्यापही स्पष्ट झाली नसली, तरी सर्वच पक्ष जोमाने तयारीला लागले आहेत. शिवसेनेही शाखानिहाय बैठका घेतल्या. भाजपनेही निवडणुकीत पूर्ण ताकदीने निवडणुकी लढण्याचा निर्धार केला आहे. त्याच दृष्टिकोनातून पक्षातर्फे मंडळनिहाय आढावा बैठका घेण्यात येत आहेत. यातून निवडणुकीत स्वबळावर लढविण्याचाही नारा प्रत्येक बैठकीतून येत आहेत. महापालिकेत गेल्या अनेक वर्षे भाजप शिवसेनासोबत होते. परंतु राज्यासह येथील राजकीय परिस्थिती आता वेगळी आहे.

वाचा - भयानक! दहा ते 12 रानडुकरांचा एकाच वेळी जीवघेणा हल्ला, रक्तबंबाळ झालेल्या शेतकऱ्याला वाचविण्यासाठी तरुण आले धावून

हे दोन्ही पक्ष आता एकमेकांच्या विरोधात असून काँग्रेस, राष्ट्रवादी काँग्रेस हे पक्ष आता शिवसेनेचे मित्र झाले आहेत. तर महापालिका निवडणुकीत भाजपला यंदा स्वबळावर रिंगणात उतरावे लागणार असून तसे संकेतही भाजपने दिले आहे. जो असेल त्याच्यासह आणि जो नसेल त्याच्या शिवाय भाजप महापालिका निवडणूक जिंकणारच, असा विश्वास व्यक्त करत नेतेमंडळीकडून कार्यकर्त्यांना बळ देण्याचेही कामही सुरु आहे. मराठवाड्याची राजधानी अशी औरंगाबाद शहराची ओळख असून येथील महापालिकेवर भाजपचा झेंडा फडकावा, त्यादृष्टीने भाजपची तयारी असल्याचे सूत्रांनी सांगितले.

वाचा - 'भाजपला सत्तेतून बाहेर काढण्यासाठी शरद पवार, मुख्यमंत्री ठाकरेंनी नेतृत्व केले तर देशाला मजबूत नेतृत्व मिळेल'

प्रतिष्ठेच्या या निवडणूकीसाठी यापूर्वीच माजी मंत्री गिरीश महाजन यांच्याकडे प्रमुख निवडणूक प्रभारी तर आमदार अतुल सावे यांच्याकडे निवडणूक प्रमुख आणि आमदार संभाजी पाटील निलंगेकर यांच्यावर संघटनात्मक जबाबदारी देण्यात आली आहे. दरम्यान, गेले काही दिवस बुथनिहाय बैठका घेण्यात आल्या असून शहराध्यक्ष संजय केणेकर यांनी आता मंडळनिहाय आढा‌वा घेण्याची जबाबदारी थेट पक्षनेते, प्रदेश पदाधिकाऱ्यांकडे दिली आहे.

वाचा - Success Story: अडचणींवर मात करत अखेर बनला PSI, राहुलने पहिल्याच प्रयत्नात मिळविले यश

यात क्रांती चौक मंडळाची जबाबदारी खासदार डॉ. भागवत कराड यांच्याकडे, आमदार अतुल सावे यांच्याकडे गुलमंडी मंडळ, राष्ट्रीय सचिव विजया रहाटकर यांच्याकडे हडको मंडळ, प्रदेश प्रवक्ते शिरीष बोराळकर व प्रवीण घुगे यांच्याकडे अनुक्रमे चिकलठाणा व सातारा मंडळ देण्यात आले आहे. यासह प्रदेश पदाधिकारी असलेले मनोज पांगारकर, भगवान घडमोडे, किशोर शितोळे हे अन्य मंडळाचा आढावा घेणार आहेत.
 

संपादन - गणेश पिटेकर