Corona : औरंगाबादेत आणखी दोघांचा मृत्यू; बळींची संख्या ४८ वर 

औरंगाबाद : कोरोनाच्या वाढत्या रुग्ण संख्येबरोबर दगावणाऱ्यांची संख्याही वाढली आहे. शुक्रवारी (ता.२२) दिवसभरात तीन जणांचा बळी गेला तर शनिवारी (ता.२३) किराडपुरा व सिटी चौक येथील दोन रुग्णांचा मृत्यू झाला झाला. त्यामुळे मृत्यू झालेल्यांची संख्या ४८ वर गेली आहे, असे शासकीय वैद्यकीय रुग्णालयाचे माध्यम समन्वयक डॉ. अरविंद गायकवाड यांनी सांगितले.

शहरात शनिवारी सकाळी कोरोनाधित २३ रुग्ण वाढल्याने एकूण रुग्णांचा आकडा १२४१ वर पोचला आहे. तसेच दोघांचा मृत्यू झाला. त्यात किराडपुरा येथील ७५ वर्षीय व सिटीचौक परिसरातील ७२ वर्षीय व्यक्तीचा समावेश आहे. किराडपुरा येथील रुग्णास १७ मेला  घाटी रुग्णालयात उपचारासाठी दाखल करण्यात आले होते. या रुग्णांचा अहवाल १८ मेला पॉझिटिव्ह आला. उपचार सुरू असताना त्यांचा बायलेंट्रल न्यूमोनिया विथ एक्युट रेस्पीरेटरी डिसट्रेस सिंड्रोम ड्यु टू कोविड-१९ इन नोन केस ऑफ हायपोथॉयरीडीसम या कारणाने शुक्रवारी (ता.२२) रात्री साडेअकरा वाजेच्या दरम्यान मृत्यू झाला. 

औरंगाबादच्या इतर बातम्या वाचण्यासाठी - क्लिक करा

सिटी चौक येथील ७२ वर्षीय रुग्णास १९ मेला घाटी रुग्णालयात उपचारासाठी दाखल करण्यात आली होते. २० मेला या रुग्णाचा अहवाल पॉझिटिव्ह आला. या रुग्णाचा बायलेंट्रल न्यूमोनिया विथ एक्युट रेस्पीरेटरी डिसट्रेस सिंड्रोम विथ सायटोकाईन स्ट्रॉम ड्यु टू कोविड-१९ मुळे शनिवारी (ता.२३) पहाटे पाच वाजता मृत्यू झाला. कोरोनामुळे घाटी रुग्णालयात आत्तापर्यंत ४३ जणांचा मृत्यू झाला तर इतर रुग्णालयात पाच जण अशा एकूण ४८ जणांचा मृत्यू झाला, अशी माहिती शासकीय वैद्यकीय महाविद्यालयाच्या माध्यम समन्वयक डॉ. अरविंद गायकवाड यांनी दिली.

घटित ७४ रुग्णांवर उपचार सुरू
घाटीच्या कोविड रुग्णालयात सध्या एकूण ७४ पॉझिटिव्ह रुग्णावर उपचार सुरु आहे. यांपैकी ६५ रुग्णांची स्थिती सामान्य असून नऊ रुग्णांची स्थिती गंभीर आहे.

बाहेरगावाहून आले अन् पॉझिटिव्ह निघाले  
शहरातील नवनवीन भागात कोरोनाचे रुग्ण आढळून येत असून, शुक्रवारी (ता.२२) आणखी पाच वसाहतींमध्ये रुग्ण आढळून आले. त्यातील ठाकरेनगर एन-दोन व शिवाजीनगर येथील रुग्ण बाहेरगावाहून शहरात आल्याचे समोर आले आहे. तसेच कुवारफल्ली, सुराणानगर, जवाहर कॉलनी येथे संपर्कातून कोरोनाची लागण झाल्याचे सूत्रांनी सांगितले. 

मराठवाड्याच्या इतर बातम्या वाचण्यासाठी - क्लिक करा