औरंगाबादेत सुरूय इन्फोसिसची मेगाभरती

औरंगाबाद - इन्फोसिस या बहुराष्ट्रीय कंपनीच्या पुल कॅंपस कांचनवाडीतील छत्रपती शाहु अभियांत्रिकी महाविद्यालयात होत असून मंगळवारी (ता. 28) पहिल्या दिवशी 900 पात्र विद्यार्थ्यांनी ऑनलाईन ऍप्टीट्युड परीक्षा दिली. यातून 148 विद्यार्थ्यांची अंतिम मुलाखतीसाठी निवड झाली आहे. 28 ते 30 जानेवारीदरम्यान हा पुल कॅंपस चालणार आहे.

इन्फोसिस डिजिटल सेवा देणारी जगातील अग्रगण्य व भारतातील मोठी सॉफ्टवेअर कंपनी आहे. ही कंपनी 46 देशात कार्यरत आहे. इन्फोसिसतर्फे होत असलेल्या मुलाखतीसाठी औरंगाबादच्या डॉ. बाबासाहेब आंबेडकर मराठवाडा विद्यापीठ, नांदेडचे स्वामी रामानंद तीर्थ मराठवाडा विद्यापीठ, जळगावचे कवयित्री बहिणाबाई चौधरी उत्तर महाराष्ट्र विद्यापीठ यांच्याशी संलग्नित महाविद्यालतील पात्र विद्यार्थी आले आहेत. मराठवाडा आणि खान्देशसाठी सात वर्षानंतर पहिल्यांदाच इन्फोसिस कंपनी मुलाखती घेत आहे.

हेही वाचा - या शिक्षिकेच्या सल्ल्याने अजय देवगणने केले तान्हाजीत बदल

शाहु अभियांत्रिकी महाविद्यालयात 28 ते 30 दरम्यान पुल कॅंपस होत आहे. 29 जानेवारीला 900 विद्यार्थ्यांची परीक्षा झाली. तर, 29 जानेवारीला 1100 विद्यार्थ्यांची परीक्षा होणार आहे. त्यानंतर दोन्ही परीक्षेतील पात्र विद्यार्थ्यांच्या 30 जानेवारीला मुलाखती होणार आहेत. मुलाखतीची जबाबदारी एच.आर. विभागाचे अधिकारी अनिवेश जोशी पार पाडत आहेत.

जाणून घ्या - नरवीर तान्हाजी मालुसरे यांच्या बाराव्या पिढीत सध्या कोण काय करतेय, वाचा... 

निवड प्रक्रियेमध्ये ऑनलाईन ऍप्टीट्युड, टेक्‍निकल मुलाखती, एच. आर. मुलाखती होणार आहेत. ऑनलाईन ऍप्टीट्युडमध्ये कॉन्टिटेटिव्ह टेस्ट, रिझनिंग टेस्ट, व्हर्बल ऍबिलिटी टेस्टचा समावेश आहे. तसेच ऍप्टीट्युड परीक्षा उत्तीर्ण होण्यासाठी वरील तिन्ही सेक्‍शनमध्ये चांगले गुण मिळणे गरजेचे आहे.

विद्यार्थ्यांना 12 जानेवारी 2020पूर्वी नावनोंदणी करणे अनिवार्य होते. अंतिम निवड होणाऱ्या विद्यार्थ्यांना 3 लाख 60 हजार रुपयांचे वार्षिक वेतन मिळणार आहे. विद्यार्थ्यांना संस्थेचे अध्यक्ष रणजीत मुळे, सचिव पद्माकर मुळे, प्रशासकीय अधिकारी डॉ. श्रीकांत देशमुख, प्राचार्य डॉ. उल्हास शिंदे, टीपीओ प्रा. दीपक पवार यांनी शुभेच्छा दिल्या.

उघडून तर पाहा - या ठिकाणी अजूनही सुरक्षित आहे तान्हाजींची तलवार अन् माळ, पाहा PHOTOS