एनएसयुआयच्या राष्ट्रीय कार्यकारिणीत औरंगाबादला मिळाले स्थान

औरंगाबाद : एनएसयुआयच्या (नॅशनल स्टूडटस यूनियन ऑफ इंडिया) राष्ट्रीय समन्वयकपदी येथील सागर कैलास साळुंके यांची नियुक्ती करण्यात आली आहे. या पदावर मराठवाडा विभागातून नियुक्ती होणारे सागर साळुंके हे एकमेव आहेत.

मराठवाड्यातील अन्य बातम्या वाचण्यासाठी यावर क्लिक करा..!

विद्यार्थी काँग्रेसची राष्ट्रीय समन्वयकपदाची यादी नुकतीच घोषीत करण्यात आली. यामध्ये विद्यार्थी काँग्रेसचे माजी प्रदेश उपाध्यक्ष श्री. साळुंके यांची नियुक्ती करण्यात आली. त्यांनी यापूर्वी औरंगाबाद एनएसयुआयचे जिल्हाध्यक्ष म्हणून यशस्वीपणे जबाबदारी पार पाडलेली आहे. सागर साळुंके यांनी उभे केलेले युवकांचे मोठे संघटन, आतापर्यंत केलेल्या त्यांच्या कामाची दखल घेत पक्षाने त्यांच्यावर नव्याने ही जबाबदारी सोपवली आहे. 

औरंगाबाद जिल्ह्यातील महत्त्वाच्या बातम्या वाचण्यासाठी येथे क्लिक करा.

सागर यांनी गेल्या अनेक वर्षापासून विद्यार्थ्यांच्या प्रश्नावर आंदोलने केलेली आहेत. लॉकडाऊनच्या काळात पायी जाणाऱ्या कामगारांना जेवण उपलब्ध करुन देण्यासोबतच त्यांच्या गावी नेऊन सोडण्याचे काम केले आहे. नियुक्तीबद्दल किरण पाटील डोणगावकर, मानस पगार, डॉ. अमर जाधव, जिंदा सांडभोर, अजय रणनवरे, रोहित बनकर, आकाश बारहाते पाटील, प्रथमेश देशपांडे, ओंकार मुखेकर, अभिषेक शिंदे यांनी त्यांचे अभिनंदन केले आहे.

देशभरातील महत्त्वाच्या बातम्या वाचण्यासाठी येथे क्लिक करा.

(संपादन-प्रताप अवचार)