टोमॅटो, शेवगा खातोय भाव !

औरंगाबाद : शहर व जिल्ह्यात सुरू असलेल्या पावसामुळे बाजार समितीत येणाऱ्या भाजी पाल्याची आवक कमी झाल्यामुळे किरकोळ विक्रीत भाजीपाल्याचे दर आणखी वाढले आहेत. टोमॅटो ८० रुपये किलोने विक्री होत आहेत. टोमॅटोचा जिल्ह्यात तुटवडा असल्यामुळे हे दर वाढले असल्याचे विक्रेत्यांनी सांगितले. बाजार समिती भाजीपाल्याची आवक घटली असल्याचे बाजार समितीतर्फे सांगण्यात आले. 

मराठवाड्यातील अन्य बातम्या वाचण्यासाठी यावर क्लिक करा..!
बाजार समितीत गुरुवारी (ता.२४) टोमॅटोची १९५ क्विटंल आवक झाली. कांदा १११३ रुपये क्विटंल आवक झाली असून, कांदा हा किरकोळ बाजारात ३० ते ३५ रुपये प्रमाणे किलोने विक्री झाला. ७०० क्विंटल बटाट्याची आवक बाजार समितीत झाली. १६ हजार ५०० नग कोथिंबीर, बारा हजार नग मेथी, १३ हजार नग पालक, शेवगा २० क्विंटल, वांगे ३७ क्विंटल, हिरवी मिरची ८५ क्विंटल आवक झाली. पंधरा दिवसांपूर्वी हीच आवक दुप्पट होती. कडधान्यात बाजारी ८१ क्विंटल आवक गहू ४२ क्विंटल आवक झाली असल्याचे बाजार समितीतर्फे सांगण्यात येत आहेत. 

औरंगाबाद जिल्ह्यातील महत्त्वाच्या बातम्या वाचण्यासाठी येथे क्लिक करा.

किरकोळ बाजारात

(बाजार समिती आणि हातगाडीवर विक्री होणारा भाजीपाला) 

• कोथिंबीर--- १५ रुपये जुडी 
• मेथी--- १० रुपये जुडी 
• पालक--१० रुपये जुडी 
• शेफू-- १० रुपये जुडी 
• टोमॅटो--८० रुपये किलो 
• बटाटे---५० रुपये किलो 
• वांगे--४० रुपये किलो 
• शेंवगा -- ८० रुपये किलो 
• मिरची---८० रुपये किलो 
• भोपळा-- ३० रुपये किलो 
• लिंबू --- ३० ते ३५ रुपये किलो 
• भेडी----४० रुपये किलो 
• चवळी शेंग-- ३० रुपये किलो 
• आले----६० रुपये किलो 
• कांदा--- ३० ते ३५ रुपये किलो 
• कारली-- २५ ते ३० रुपये किलो 
• फ्लॉवर-- २५ रुपये किलो 
• कोबी---२० ते २५ रुपये किलो