कन्नड - शहरालगतच्या शिवना नदीवरील केटी बंधाऱ्यावर आंघोळीसाठी गेलेल्या एका मुलाचा पाण्याच्या प्रवाहात वाहून जाऊन मृत्यू झाल्याची घटना बुधवारी (ता.२४) संध्याकाळी साडेपाचच्या सुमारास उघडकीस आली..आयन शेख खाजू (वय ११) असे मृत मुलाचे नाव आहे. आयन आपल्या मित्रासोबत लंगोटी महादेव मंदिराजवळील केटी बंधाऱ्यावर मंगळवारी सकाळी आंघोळीसाठी गेला होता. दरम्यान, अचानक नदीच्या पाण्याचा प्रवाह वाढला आणि तो वाहून गेला होता. मंगळवारी दिवसभ छत्रपती संभाजीनगर येथील आपत्कालीन पथकाने शोध घेतला. परंतु शोध लागला नव्हता..नदीच्या कडेला राहणारा आली शेख अकबर या मुलाला आपल्या घराच्या गच्चीवरून नदीत तरंगत असलेला मृतदेह दिसला. माहिती मिळताच नगरपरिषद, कन्नड शहर पोलीस स्टेशन तसेच तहसील कार्यालयाचे कर्मचारी घटनास्थळी दाखल झाले..नगरपरिषदेचे प्रशांत देशपांडे, पवन परदेशी, सिद्धार्थ बनकर, वाल्मीक शिरसाट, बाजीराव थोरात, तलाठी दीपक एरंडे, डॉ. सदाशिव पाटील, याकुब शेख, सचिन काळे, अस्लम पटेल, राजेंद्र गव्हाणे, साईनाथ आल्लाड, सागर पाटील, शाहरुख पठाण, शरीफ शेख, अख्तर पठाण यांच्या मदतीने मृतदेह पाण्यातून बाहेर काढून कन्नड ग्रामीण रुग्णालयात आणण्यात आला. वैद्यकीय अधिकारी डॉ. श्रीमती पठारे यांनी तपासुन आयनला मृत घोषित केले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
