पोलिस निरीक्षकासह दोन कर्मचारी लाचेच्या जाळ्यात

नांदेड : तक्रारदाराच्या चुलत्याने दिलेली तक्रारीत कारवाई न करण्यासाठी किनवट पोलिस ठाण्याचे निरीक्षक दिलीप तिडके यांच्या या सांगण्यावरून पोलीस कर्मचारी पांचाळ आणि त्याचा एक सहकारी या तिघांनी तक्रारदारकडे लाच मागितली.

याप्रकरणी लाचलुचपतचे पोलिस उपअधीक्षक विजय डोंगरे यांच्या मार्गदर्शनाखाली पोलिस निरीक्षक बळवंत पेडगावकर यांच्या पथकाने शुक्रवारी रात्री नऊ वाजता किनवट पोलीस पोलीस ठाणे परिसरात कारवाई करून पन्नास हजाराची लाच घेताना पोलिस नाईक मधुकर पांचाळ आणि त्याचा साथीदार पांडुरंग बोईनवाड यांना अटक केली.

पोलिस निरीक्षक मात्र फरार झाल्याचे एसीबी सूत्रांनी सांगितले. या प्रकरणी रात्री उशिरा किनवट पोलीस ठाण्यात गुन्हा दाखल करण्यात आला आहे.