देवदर्शनाहून येत होते माघारी, समोर आला सिमेंटचा ट्रक

केज (बीड) : देवदर्शन करून परतणाऱ्या भाविकांच्या बोलेरोचा समोरून येणाऱ्या ट्रकचा अपघात होऊन जीपमधून प्रवास करणारे नऊ जण भाविक गंभीर जखमी झाले आहेत.

हा अपघात तालुक्यातील गोटेगावजवळ गुरूवारी (ता.२७) सकाळी सात वाजण्याच्या सुमारास घडला. जखमींना पोलिसांच्या मदतीने उपचारासाठी अंबाजोगाई येथील शासकीय रुग्णालयात दाखल करण्यात आले आहे.

मार्चमध्ये बँका राहणार आठ दिवस बंद, वाचा कोणते...

तालुक्यातील युसूफवडगाव पोलीस ठाण्याच्या हद्दीत येणाऱ्या गोटेगावजवळ देव दर्शनाहून परत येत असलेल्या बोलेरो जीप (एम एच-३७/जी५०५३) व सिमेंटची वाहतूक करणाऱ्या ट्रक (एमएच-१२/एचडी-२२१७) यांच्यात गुरूवारी सकाळी सात वाजण्याच्या सुमारास अपघात झाला. या अपघातात जीपमधून प्रवास करणारे नऊ भाविक गंभीर जखमी झाले आहेत.

पुन्हा एका बालिकेवर अत्याचार.. वाचा कुठे

अपघाताची माहिती मिळताच युसूफवडगाव पोलीस ठाण्याचे सहायक पोलीस निरीक्षक आनंद झोटे यांनी कर्मचारी पोलीस उपनिरीक्षक कोरडे, घोरपडे, मेहेत्रे, खनपटे व ग्रामस्थांच्या सहकार्याने घटनास्थळी दाखल होऊन मदतकार्य चालू  करून जखमींना बाहेर काढले.

इकडे आईचं सरण पेटलं आणि तिकडे...

वैद्यकीय मदतीसाठी १०८ रुग्णवाहिका वेळेवर पोहोचत नसल्याने कळंब आगाराच्या कळंब-नांदेड या परिवहन महामंडळाच्या बसने जखमींना पोलीस कर्मचारी खनपटे सोबत अंबाजोगाई येथील सरकारी रुग्णालयात उपचारासाठी पाठविण्यात आले आहे. जखमींची नावे मात्र अद्यापही समजू शकली नाहीत.