मका पिकावर लष्करी अळी

File photo
File photo

परिसरात शेतकऱ्यांनी मोठ्या प्रमाणात मक्‍याची पेरणी केली आहे. ऐन दुष्काळी परिस्थितीत या पिकापासून जनावरांना चारा उपलब्ध होईल, या भरवशावर पेरा केला होता. परंतु मका पिकावर मोठ्या प्रमाणात अळीचा प्रादुर्भाव झाल्याने तो चारा जनावरांना घातल्यास जनावरे दगावण्याची शक्‍यता बळावली आहे. मक्‍याच्या एका रोपट्यात तीन ते चार अळ्या आतील भागात दिसून येत आहेत. कृषी विभागाने शेतकऱ्याला फवारणी करण्याचे आवाहन केले होते; परंतु त्या फवारणीने काहीच परिणाम झाला नसल्याने कृषी विभागही मार्गदर्शन करण्यात अपयशी ठरल्याचे दिसून येत आहे. पिकावर फवारणी करूनही त्याचा काहीच परिणाम दिसून येत नसल्याने शेतकरी मोठ्या संकटात सापडला आहे. 

मका पिकापासून उत्पादन तर मिळणार नाहीच, परंतु चाराही मिळणार नसल्याने शेतकरी हताश झाला आहे. गत तीन वर्षांपासून दुष्काळात होरपळलेला शेतकरी यंदा मोठ्या पावसाच्या प्रतीक्षेत होता; परंतु सतत फक्त रिमझिम पाऊस होत गेल्याने पिकेही चांगली आली होती; परंतु पिकांवर अनेक प्रकारचा रोग पडल्याने उत्पादनात मोठी घट होऊन शेतकऱ्यांना मोठा आर्थिक फटका सहन करावा लागणार आहे. 
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com