दरोड्यातील फरार अट्टल चोरट्यास अटक 

arrested
arrested

नांदेड : शहरातील विविध पोलिस ठाण्यात गंभीर गुन्ह्यातील पाहिजे असलेला फरार अट्टल चोरटा शिवाजी उर्फ शिवा चव्हाण यास स्थानिक गुन्हे शाखेच्या पथकाने अटक केली. त्याला वजिराबाद पोलिसांच्या स्वाधीन केले आहे. 

पोलिस अधिक्षक संजय जाधव, अतिरिक्त पोलिस अधिक्षक डॉ. अक्षय शिंदे यांनी स्थानिक गुन्हे शाखेचे पोलिस निरीक्षक सुनील निकाळजे यांना जिल्ह्यातील पाहिजे व फरार आरोपींचा शोध घेऊन त्यांना अटक करण्याच्या सुचना दिल्या. त्यावरून श्री. निकाळजे यांनी सहाय्यक पोलिस निरीक्षक विनोद दिघोरे यांच्या पथकाला तशा सुचना दिल्या. 

दिघोरे यांनी फौजदार सदानंद वाघमारे, करमचारी बालाजी सातपुते, विजय आडे, घुंगरुसिंग टाक, राजू पांगरेकर, तानाजी यळगे, जसवंतसिंग साहु यांना सोबत घएऊन बुधवारी (ता. 13) रात्री शहरात गस्त घातली. त्यांना मिळालेल्या गुप्त माहितीवरुन नमस्कार चौक येथे एका मित्राला भेटण्सासाठी व दाढी व डोक्याचे केस वाढवून रुपांतर करून वावरणारा शिवा चव्हाण येत असल्याचे समजले. पथकांनी त्या ठिकाणी रात्री सापळा लावला व या सापळ्यात शिवा चव्हाण अलगद पडला. त्याने शिवाजीनगर, वजिराबाद ठाण्यांतर्गत विविध गंभीर गुन्हे करून फरार होता. तसेच 15 आॅक्टोबर 2018 ला गोदावरी बँक लुटण्यासाठी आपल्या इतर सहकाऱ्यासह मल्टीपर्पज मैदानावर होता. मात्र तो तेथून फरार झाला होता. त्याचे साथिदार जगदीशसिंग उर्फ जग्गी संधु, करणसिंग बावरी, राहूल ठआकूर, रघुसिंग उर्फ रग्या बावरी, सोनुसिंग आवलक यांना अटक ककरुन त्यांच्याकडून जीवंत काडतुस व अग्निशस्त्र जप्त केले होते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com