file photo
file photo

प्रोझोन मॉलमधील पार्कींग एजन्सीच्या विरोधात गुन्हा दाखल

पार्कींग शुल्काची अनधिकृत आकारणी

औरंगाबाद : प्रोझोन मॉल (इंपेरियल मॉल) मधील पार्कींग शुल्क वसूल करणाऱ्या एजन्सीच्या विरोधात अनधिकृत पार्किंग शुल्क वसुली केल्याप्रकरणी पोलिसांनी गुन्हा दाखल केला आहे.

शहरातील सर्वात मोठ्या प्रोझोन मॉलमध्ये सुरवातीला पार्कींग शुल्क आकारणी होत नव्हती, मात्र गेल्या काही वर्षापासून मॉलमध्ये वीस ते पंचवीस रुपये पार्कींग शुल्क वसुल करणे सुरु केले होते. या विरोधात नागरीकांनी पोलिस आयुक्त यशस्वी यादव यांच्याकडे तक्रारी केल्या होत्या. या तक्रारीच्या अनुशंगाने पोलिस उपनिरिक्षक श्रीकातं नवले यांनी चौकशी केली. त्यावेळी प्रोझोन मॉलने पार्कींग वसुलीसाठी सेक्‍युअर पार्कींग सोल्युशन प्रा. लि. यांच्याबरोबर करार केल्याचे आढळून आले. वास्तविक पहाता पार्कींग एजन्सीला अशा प्रकारचा कुठलाही अधिकार नाही. ग्राहकांना दिल्या जाणाऱ्या पावतीवर वसुल करणाऱ्याचे नाव नाही, जीएसटी क्रमांकही नाही. त्यामुळे श्रीकांत नवले यांनी सिडको एमआयडीसी पोलिस ठाण्यात तक्रार दिली. त्यानुसार एजन्सीच्या विरोधात फसवणूकीचा गुन्हा दाखल करण्यात आला आहे. या प्रकरणाचा तपास गुन्हे शाखेचे सहाय्यक निरिक्षक ए. व्ही. सातोदकर यांच्याकडे देण्यात आला. शहरातील अन्य अनाधिकृत पार्कींगच्या विरोधातही असेच गुन्हे दाखल करणार असल्याचे पोलिसांनी सांगीतले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com