ऑरिकमध्ये ‘आयनॉक्स’ची गुंतवणूक, दीडशे कोटींतून उभारणार ऑक्सिजन प्रकल्प

औरंगाबाद : कोरोना महामारीच्या काळात उद्योगांना पाठबळ देण्याचे काम राज्य, केंद्र सरकारतर्फे केले जात आहे. त्यामुळे देश-विदेशातील गुंतवणूकही भारतात वाढत आहे. या पार्श्वभूमीवर आयनॉक्स एअर प्रोडक्ट्स कंपनीने येथील ऑरिक सिटीत गुंतवणूक करण्याचा निर्णय घेतला आहे. शेंद्रा येथील आठ एकरात ही कंपनीत १५० कोटींची गुंतवणूक करणार आहे. यातून दोनशे रोजगार उपलब्ध होणार आहेत. शुक्रवारी (ता.१६) या कंपनीने जागा ताब्यात घेतली असून येत्या पंधरा दिवसांत या कंपनीच्या प्रत्यक्ष कामास सुरुवात होणार असल्याची माहिती ऑरिक सिटीच्या अधिकाऱ्यांनी दिली.

मराठवाड्यासाठी उपयुक्त पुढाकार : ऑरिक सिटीमध्ये रशियन स्टिल कंपनीनंतर आता भारतीय उद्योग समूहाची ‘आयनॉक्स’ कंपनी पहिल्या टप्प्यात दिडशे कोटींची गुंतवणूक करले. ही कंपनीत द्रवरुप ऑक्सीजन तयार होणार आहे. सध्या कोरोनाच्या काळात ऑक्सीजन कमरतात सर्वत्र भासत असताना ‘आयनॉक्स’ने घेतलेला पुढाकार औरंगाबाद, मराठवाड्यासाठी उपयुक्त ठरेल. राज्यात मुंबई आणि पुण्यात या कंपनीतर्फे ऑक्सीजन निर्मिती केली जाते. ऑरीक सिटीत या कंपनीचे काम सध्या चंदन डे पहात असल्याची माहिती सूत्रांनी दिली.