विजेच्या धक्क्याने वानराचा मृत्यू, ग्रामस्थांकडून अंत्यसंस्कार

नागापूर (जि.औरंगाबाद) : कन्नड (Kannad) तालुक्यातील नागापूर येथील केंद्रीय जिल्हा परिषद शाळेच्या (Zilla Parishad School) आवारात सोमवारी (ता.दोन) एका वानराचा विजेचा धक्का लागुन मृत्यू झाला. या वेळी मुक्या प्राण्यांची माया कशी असते हे चित्र पाहायला मिळाले. वानराचे पिल्लू मरण पावलेल्या आपल्या (Aurangabad) आईला शेवटपर्यंत कवटाळुन बसलेले होते. हे दृष्य पाहून उपस्थित ग्रामस्थ हेलावून गेले होते.

ही बातमी गावातील तरूणांना कळताच त्यांनी शाळेच्या आवारात एक मोठा खड्डा करून तेथे विधिवत पुजन करून नव्या वस्राने झाकुन गुलालाची उधळण करत दफनविधी केला. या वेळी ज्ञानेश्वर वाघ, मच्छिंद्र पवार, रोहिदास बनसोड, हर्षल तारडे, किरण टेलर, रोहन गुरव, शंकर तारडे, सागर तारडे, कदम, गाडेकर, धोंडू बनकर, उत्तम बोलकर यांच्यासह ग्रामस्थ उपस्थित होते.