Aurangabad : वीजबील वसुली पडली महागात, महावितरणच्या पथकावर भिरकावले दगड | Sakal
sakal

बोलून बातमी शोधा

Mahavitran

Aurangabad : वीजबील वसुली पडली महागात, महावितरणच्या पथकावर भिरकावले दगड

औरंगाबाद : महावितरण कंपनीचे (Mahavitaran Company) तीन पथके संजयनगर, मुकुंदवाडी भागात वेगवेगळ्या गल्लीत कारवाई करीत असतानाच दोघांनी पथकांवर दगड भिरकावले आणि हुसकावून लावले. हा मंगळवारी (ता.११) सकाळी घडला. या प्रकरणी मुकुंदवाडी ठाण्यात अशोक भातकुडे आणि रामेश्वर निकाळजे या दोघांविरोधात गुन्हा दाखल करण्यात आला आहे. या प्रकरणी दाखल तक्रारीनुसार विजय गणेश काथार (वय ३९, रा. म्हसोबानगर, हर्सूल) हे चिकलठाणा (Aurangabad) उपविभागात सहायक अभियंता म्हणून एक वर्षापासून कार्यरत आहेत. ते मुकुंदवाडी विभाग सांभाळतात. मंगळवारी काथार यांच्यासोबत (Aurangabad Crime Update) तीन कर्मचारी, सहायक अभियंता शाम मोरे आणि त्यांच्यासोबत तीन कर्मचारी आणि सहायक अभियंता शरद ढाकणे यांच्यासोबत तीन कर्मचारी असे तीन पथके करुन संयजनगरात कारवाईसाठी गेले.(Stones Pelting On Mahavitaran Squads In Aurangabad)

हेही वाचा: आमदार गुट्टे कोरोना पॉझिटिव्ह,अनेक जण संपर्कात आल्याने चिंता वाढली

दहा वाजेच्या सुमारास ढाकणे हे गल्ली क्र. १५ मध्ये कारवाई करीत असताना आरोपी रामेश्वर निकाळजे व अशोक भातकुडे त्यांच्याकडे गेले. त्यांनी लगेचच येथून निघून जा नसता गल्लीतून बाहेर पडू देणार नाही, अशी धमकी देत दगड घेऊन त्यांच्यावर भिरकावले. ते बाहेर पडताच आरोपींनी शाम मोरे यांच्या पथकाकडे मोर्चा वळविला. त्यांना गल्ली क्र १४ मधून हुसकावले. त्यानंतर आरोपी काथार यांच्या पथकाकडे गल्ली क्र. २१ मध्ये गेले. त्यांना धक्काबुक्की करुन मीटर जप्ती करण्यापासून रोखले. तसेच, जीवे मारण्याच्या धमक्या दिल्या.

हेही वाचा: ऊसाच्या तुऱ्याने घातली शेतकऱ्याच्या चिंतेत भर! वजनात होतेय घट

या प्रकरणी मुकुंदवाडी ठाण्यात गुन्हा दाखल असून अधिक तपास पोलिस उपनिरीक्षक संदीप वाघ करीत आहेत.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top