Maharashtra Budget 2021: बीडच्या राजकारणात धनंजय मुंडेंचा मास्टरस्ट्रोक? अर्थसंकल्पात बीड जिल्ह्यात मोठी तरतूद

बीड: बीड जिल्ह्यातील अनेक जिव्हाळ्याच्या प्रश्नांवर राज्याच्या अर्थसंकल्पात निधी मिळवून मंत्री धनंयज मुंडे यांनी मास्टरस्ट्रोक खेळल्याची जिल्ह्यात चर्चा आहे. कारण या अर्थसंकल्पात बीडकरांचं लक्ष लागून असलेला नगर-बीड-परळी मार्ग आणि जिल्ह्यातील प्रमुख आध्यात्मिक श्रध्दास्थानांना निधी मिळाला आहे. हा मुंडे यांचा मोठा मास्टरस्ट्रोक असल्याची चर्चा जिल्ह्यात रंगत आहे.

अर्थमंत्री अजित पवार यांनी राज्याच्या अर्थसंकल्पात बीडमधील परळी वैजनाथचं प्रभू वैद्यनाथचं मंदिर, श्रीक्षेत्र भगवानगड, श्रीक्षेत्र नारायणगड, श्रीक्षेत्र गहिनीनाथ गड, आणि पुरुषोत्तम पुरी येथील पुरुषोत्तम मंदिरासाठी मोठी आर्थिक तरतूद केली आहे. 

माझ्याशी चॅटींग कर, फोटो पाठवं नाहीतर... '; माथेफिरू रोमियोची धमकी

तसेच जिल्ह्यातील पायाभूत सुविधेच्या दृष्टीने महत्त्वाचा असणारा नगर-बीड-परळी रेल्वे मार्गाचे काम प्रगती पथावर असून ते लवकरच पूर्ण होईल असंही सांगितलं. याचबरोबर जिल्ह्यातील विविध धार्मिक स्थळांवर भरीव तरतूद केल्याने तिथल्या विकासासाठी त्याचा फायदा होणार आहे. 

ज्या आध्यात्मिक स्थानांच्या विकासासाठी सरकारने निधी मंजूर केला आहे त्यांच्याशी मोठा भक्तवर्ग जोडला आहे. तसेच बीडमधील राजकारण सत्ता परिवर्तनाचे केंद्रं म्हणून या क्षेत्रांकडे पाहिलं जातं. हीच बाब पकडत पालकमंत्री धनंयज मुंडेंनी या आध्यात्मिक क्षेत्रांना मोठा निधी मिळवून दिला आहे. याचा फायदा मुंडेंच्या भविष्यातील राजकारणाला कितपत होईल हे 
आता येणारा काळंच ठरवेल.

Corona Updates: औरंगाबादमध्ये मागील 24 तासांत कोरोनाचे जवळपास चारशे नवीन रुग्ण

तसेच ऊसतोड मजूंरासंबंधीही एक निर्णय या अर्थसंकल्पात घेण्यात आला. ऊसतोड मजुरांसाठी गोपीनाथ मुंडे ऊसतोड मजूर महामंडळाला आर्थिक निधी देण्यासंदर्भात घोषणा केल्याने ऊसतोड मजुरांमधून देखील आनंद व्यक्त केला जात आहे