स्मार्ट सिटीच्या पहिल्या टप्प्यात जालना रोडवर शहर बससेवा 

स्मार्ट सिटीच्या पहिल्या टप्प्यात जालना रोडवर शहर बससेवा 

औरंगाबाद - स्मार्ट सिटीअंतर्गत पहिल्या टप्प्यात 90 कोटी रुपयांचा निधी मिळणार आहे, मात्र अजून हा निधी प्राप्त झाला नाही. सार्वजनिक वाहतूक सेवेच्या पहिल्या टप्प्यात सर्वाधिक वर्दळीच्या जालना रोडवर शहर बससेवा सुरू करण्यात येणार आहे. तसेच शहरातील अन्य प्रमुख मार्गांवर बससेवा सुरू करण्याचा निर्णय एसपीव्हीच्या बैठकीत होईल असे महापालिका आयुक्‍त तथा एसपीव्हीचे मुख्य कार्यकारी अधिकारी ओम प्रकाश बकोरिया यांनी सांगितले. 

स्मार्ट सिटीअंतर्गत संपूर्ण शहरासाठी असलेल्या पॅनसिटी मॉडलअंतर्गत सार्वजनिक वाहतुकीला प्राधान्य देण्यात आले आहे. शहर बससेवा सुरू करण्याच्या दृष्टीने शहर बससेवा मार्गांचे, बसस्थानकांचे सर्वेक्षण करण्याचे काम आयटीडीपी करीत आहे. 

बुधवारी (ता. एक) आयटीडीपी, एमआयटी अभियांत्रिकी महाविद्यालय व महापालिकेच्या वतीने जालना रोडवर सर्वेक्षण करण्यात आले. या संदर्भात गुरुवारी (ता.दोन) पत्रकारांशी बोलताना श्री. बकोरिया म्हणाले, जालना रोडवर सर्वेक्षण झाले आहे, त्याचा अहवाल येईल. दरम्यान पुन्हा एकदा सर्वेक्षण करणार आहोत. एसपीव्हीच्या माध्यमातून सुरवातीला काही ठराविक मार्गांवर शहर बससेवा सुरू करणे शक्‍य आहे. हे मार्ग कोणते असतील याचा निर्णय एसपीव्हीच्या बैठकीत घेतला जाईल. स्मार्ट सिटीचे मुख्य व्यवस्थापकीय संचालक अपूर्व चंद्रा परदेश दौऱ्यावर असून ते येत्या दोन- तीन दिवसांनंतर येणार आहेत. ते आल्यानंतर एसपीव्हीच्या बैठकीची तारीख ठरणार आहे. तथापि जालना रोड हा अतिशय वर्दळीचा रस्ता असल्याने या रस्त्यावर प्राधान्याने शहर बससेवा सुरू करण्यात येणार आहे. शहरात दुमजली बसची गरज नाही. चांगल्या दर्जाच्या बस आणि अधिकच्या फेऱ्या वाढविल्या तरी ते शहर वाहतुकीच्यादृष्टीने पुरेसे राहणार असल्याचे मत त्यांनी व्यक्‍त केले. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com