उस्मानाबाद जिल्ह्यात ११४ जणांना कोरोनाची लागण, सात रुग्णांचा मृत्यू

उस्मानाबाद : जिल्ह्यामध्ये सोमवारी (ता.२१) ११४ नव्या कोरोना रुग्णांची वाढ झाली असून सात जणांचा बळी गेला आहे. त्यातही १५९ रुग्ण दिवसभरामध्ये बरे होऊन घरी गेल्याची दिलासादायक बाब आहे. सात जणांच्या मृत्युने २.९५ टक्के इतका मृत्युदर वाढल्याचे चित्र आहे. वाशी तालुक्यातील पारगाव ८७ वर्षीय पुरुषाचा जिल्हा रुग्णालयामध्ये मृत्यु झाला. उस्मानाबाद तालुक्यातील येडशी ५६ वर्षीय स्त्रीचा उपचारादरम्यान मृत्यु झाला.

सांगावी पोस्ट कामेगाव येथील ६३ वर्षीय पुरुषाचा जिल्हा रुग्णालयात मृत्यु झाला आहे. उमरगा तालुक्यातील गुंजोटी येथील ७० वर्षीय उपजिल्हा रुग्णालयामध्ये मृत्यु झाला. कळंब तालुक्यातील कोलेगाव ४३ वर्षीय पुरुषाचा जिल्हा रुग्णालयामध्ये मृत्यु झाला. कळंब तालुक्यातील बाभळगाव येथील ७० वर्षीय महिलेचा जिल्हा रुग्णालयामध्ये मृत्यु झाला आहे. कळंब तालुक्यातील मोहा येथील ७६ वर्षीय पुरुषाचा जिल्हा रुग्णालयामध्ये मृत्यु झाला.

उस्मानाबाद जिल्ह्यात लॉकडाऊन नाही, अफवांवर विश्‍वास न ठेवण्याचे आवाहन

जिल्ह्यामध्ये ११४ रुग्णामध्ये ४१ आरटीपीसीआरद्वारे तर ६३ जणांची अँटिजेन टेस्ट पॉझिटिव्ह आली आहे. दहा जणांना इतर जिल्ह्यामध्ये कोरोनाची लागण झाली आहे. उस्मानाबाद तालुक्यातील २२ जण बाधित झाले असून सहा जण आरटीपीसीआरद्वारे व बारा जणाची अँटिजेन टेस्ट पॉझिटिव्ह आली असुन चार जणांना इतर जिल्ह्यात लागण झाली. तुळजापुर तालुक्यामध्ये २५ जण बाधित झाले असुन १५ रुग्ण आरटीपीसीआरद्वारे व नऊ जणाची अँटिजेन टेस्ट पॉझिटिव्ह आली आहे. उमरगा तालुक्यातील १७ लोकांना कोरोनाची लागण झाली आहे.

आठ जण आरटीपीसीआरद्वारे व नऊ जणाची अँटिजेन टेस्ट पॉझिटिव्ह आली आहे. कळंब तालुक्यातील २६ जण बाधित झाले असुन त्यामध्ये २५ जणांची अँटिजेन टेस्ट पॉझिटिव्ह आली आहे, तर एक जण परजिल्ह्यामध्ये बाधित झाला आहे. परंड्यामध्ये पाच, लोहारा तीन, भुम दहा व वाशी सहा अशी तालुकानिहाय रुग्णसंख्या वाढल्याचे दिसून येत आहे.

तुळजापूर तालुक्यातील पांगरधरवाडी गावाचा संपर्क तुटला, पहाटेपासून जोरदार पाऊस

उस्मानाबाद कोरोना मीटर
एकुण रुग्णसंख्या- १०३२५
बरे झालेले रुग्ण- ७३२५
उपचाराखालील रुग्ण- २७६०
एकुण मृत्यु - ३०७
आजचे बाधित - ११४
आजचे मृत्यु - ०७

संपादन - गणेश पिटेकर