उस्मानाबाद जिल्ह्यात ८४ नवीन कोरोनाबाधित, दोघांचा मृत्यू

उस्मानाबाद : जिल्ह्यात मंगळवारी (ता.१३) कोरोनाबाधित नवीन ८४ रुग्णांची भर पडली, तर दोघांचा मृत्यू झाला. आता एकूण बाधितांचा आकडा १३ हजार सहा इतकी झाला आहे. दरम्यान मंगळवारी मृत्यूचा आकडा कमी झाल्याने जिल्ह्यासाठी समाधानाची बाब ठरली आहे. विशेष म्हणजे तब्बल ३९१ रुग्णांना घरी सोडण्यात आले आहे. त्यामुळे जिल्ह्यात आतापर्यंत उपचार घेऊन घरी परतणाऱ्यांची संख्या ११ हजार ७५३ एवढी झाली आहे. मंगळवारी १२८ स्वॅब नमुन्यांचे अहवाल प्राप्त झाले. यामध्ये १३ पॉझिटीव्ही आढळून आले आहेत, तर ५५७ जणांची अँटिजेन टेस्ट घेण्यात आली. यामध्ये ६२ जणांचे अहवाल पॉझिटीव्ह, तर ४९५ जणांचे अहवाल निगेटिव्ह आले आहेत.

अनिष्ठ अशा पोतराज प्रथेतून नितीन झाला मुक्त, मेकॅनिक म्हणून करतो नोकरी

उस्मानाबाद तालुक्यात ३६ रुग्ण
जिल्ह्यात सर्वाधिक उस्मानाबाद तालुक्यात ३६ रुग्ण आढळून आले आहेत. याशिवाय कळंब तालुक्यातील तब्बल २१ जणांचे अहवाल पॉझिटीव्ह आले आहेत. दरम्यान इतर तालुक्यात मात्र नगन्य संख्या आहे. तुळजापूरमध्ये सहा, उमरगा दोन, लोहारा सहा, वाशी पाच, भूम दोन, तर परंड्यात पाच रुग्ण आढळून आले आहेत.

रुग्णसंख्या घटली
जिल्ह्यात गेल्या काही दिवसांपासून रुग्णसंख्या घटत असली तरी मृत्यूचे प्रमाण कमी होत नव्हते. दरम्यान मंगळवारी दोघांचा मृत्यू झाला. हीच प्रशासनासाठी समाधानाची बाब ठरली आहे, असे असले तरी तब्बल ३९१ रुग्णांना उपचारानंतर सुटी देण्यात आली. दरम्यान अजूनही एक हजार ३२२ रुग्णांवर उपचार सुरू आहेत.

संपादन - गणेश पिटेकर