नापिकीला कंटाळुन शेतकऱ्याची आत्‍महत्या

नापिकीला कंटाळुन शेतकऱ्याची आत्‍महत्या

हिंगोली- कळमनुरी तालुक्‍यातील येहळेगाव गवळी येथील एका शेतकऱ्याने सततच्या नापीकीमुळे बँकेचे कर्ज कसे  फेडावे म्‍हणून शेतात लिंबाच्या झाडाला गळफास घेवून आत्‍महत्या केल्याची घटना रविवारी (ता.18) सकाळी घडली. 

या बाबत माहिती अशी की, कळमनुरी तालुक्‍यातील येहळेगाव गवळी येथील युवा शेतकरी जयाजी व्यंकोजी मंदाडे (वय 30) यांनी महाराष्‍ट्र ग्रामीण बँक शाखा आखाडा बाळापूर येथून 99 हजाराचे पिककर्ज घेतले आहे. यावर्षी झालेल्या अत्‍यल्प पावसाने नापीकी झाली. तसेच पाण्याअभावी रब्‍बीच्या पिकांची पेरणी करतात आली नाही. पेरणी करण्याचा निर्णय घेतला होता. 

मात्र बोअरवेलचे पाणी आटल्याने पेरणी करता आली नाही. खरीप व रब्‍बी गेल्याने आता बँकेचे घेतलेले कर्ज कसे फेडावे याची चिंता असल्याने त्‍यांनी रविवारी सकाळी त्याच्या शेताच्या शेजारी असलेले सतोजी मंदाडे यांच्या शेतातील लिंबाच्या झाडाला गळफास घेवून आत्‍महत्या केली. या बाबत शिवाजी मंदाडे यांच्या फिर्यादीवरून आखाडा बाळापूर पोलिस ठाण्यात घटनेची नोंद झाली असून पुढील तपास बाळापूर पोलीस ठाण्याचे पोलिस करीत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News
www.esakal.com