वैजापूर जवळील अपघातात चार ठार, एक जण गंभीर जखमी 

वैजापूर : नाशिक वैजापुर रस्त्यावर वैजापुरजवळ सोमवारी (ता. 25) रात्री साडेअकराच्या सुमारास कार कंटेनरच्या भिषण अपघातात चार ठार, एक जण गंभीर झाल्याची घटना घडली. यात चिकलठाणा (औरंगाबाद) येथील मदन रघुजी ढाकणे (वय 45), दिनेश बाजीराव बकाल, भाजप महिला आघाडीच्या प्रदेश उपाध्यक्ष सविता विलास घुले (40), विलास पंढरीनाथ घुले (45) अशी मृतांची, तर मीरा मदन ढाकणे (40) असे गंभीर जखमी झालेल्या महिलेचे नाव आहे. मीरा यांच्यावर औरंगाबाद येथील खासगी रूग्णालयात उपचार सुरू आहेत.

\ही पाच जण मुंबई येथे काही कामानिमित्त गेले होते. चिकलठाणाला परत येत असतांना वैजापुरजवळ कंटेनरचा टायर फुटल्याने कंटेनर रस्त्यावर आडवा झाला. समोरून येणारी महिंद्रा कार (एमएच 20 सीएम 155) कंटेनरवर (एमएच 04 एएच 8760) येऊन आदळली यात चार जणांचा मृत्यू झाला.