अभियंत्याने नोकरी सोडून घेतली उद्योगात भरारी

बाबरगाव फाटा (ता. गंगापूर) - येथे उभारलेल्या उद्योगात स्वतः काम करताना महादेव मुळे.
बाबरगाव फाटा (ता. गंगापूर) - येथे उभारलेल्या उद्योगात स्वतः काम करताना महादेव मुळे.

गंगापूर - सेवकाच्या मुलाने नोकरी सोडून उद्योगात भरारी घेतली आहे. या ध्येयवेड्या तरुणाने अत्यंत प्रतिकूल परिस्थितीत जिल्हा परिषद शाळेत शिक्षण घेऊन आता मौजाबाद शिवारातील (ता. गंगापूर) बाबरगाव फाट्यावर फोर्जिंगचा उद्योग उभारून स्वतःला सिद्ध केले आहे. महादेव भानुदास मुळे असे या तरुणाचे नाव आहे. 

त्यांचे वडील भानुदास मुळे ढोरेगाव (ता. गंगापूर) येथील न्यू हायस्कूल शाळेत सेवक म्हणून कार्यरत होते. महादेव मुळे यांनी आधी वाळूज (ता. गंगापूर) येथील जिल्हा परिषद शाळेत व नंतर एमआयटी अभियांत्रिकी महाविद्यालयात (यांत्रीकी शाखा) पदवीचे शिक्षण घेतले. प्रत्येक वळणावर जिद्द, चिकाटीच्या बळावर त्यांनी यशाला गवसणी घातली. स्वतःच्या अंगभूत गुणवैशिष्ट्यांमुळे प्रतिकूल परिस्थितीवर मात केली. त्यामुळेचज गुरुजनांचे ते आदर्श विद्यार्थी बनले. कठोर परिश्रम घेत त्यांनी चांगल्या गुणांनी बी.ई.ची पदवी मिळविली.

आता त्यांच्या स्वप्नांना पंख फुटले. शिक्षण पूर्ण झाल्यावर त्यांनी औरंगाबाद येथील एका नामांकित कंपनीत नोकरी केली. मात्र, नोकरी न करता स्वतः काहीतरी निर्माण करण्याची जिद्द होती. याच ऊर्मीतून त्यांनी वाळूज येथे भाडेतत्त्वावर जागा घेऊन स्वतःचा छोटा उद्योग सुरू केला. वर्ष २०१४ मध्ये स्वतःची जागा घेऊन तेथे फोर्जिंगचा उद्योग उभारला. या उद्योगासाठी त्यांनी स्टेट बॅंक ऑफ इंडियाकडून एक कोटी रुपयांचे कर्ज घेतले. या उद्योगाची सध्या तीन कोटींची उलाढाल असून, यातून चाळीस जणांना रोजगार मिळाला आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com