Jalna Corruption News : जालन्यात पाच लाखांची लाच मागणाऱ्या महसूल अधिकाऱ्याला पुन्हा पोलिस कोठडी

जालना : शेतजमिनीसंदर्भातील याचिकेच्या आक्षेपाचा निकाल सकारात्मक लावण्यासाठी पाच लाखांची लाच मागणाऱ्या सहायक महसूल अधिकारी राजेंद्र श्रीपतराव शिंदे (वय ४१) यास सोमवारी (ता.१९) न्यायालायने पुन्हा तीन दिवसांची पोलिस कोठडी सुनावली आहे..तक्रारदार यांनी तहसील कार्यालय जालना येथे तहसीलदार यांच्या न्यायालयात शेतजमिनी संदर्भात शहरातील शेत जमीन सर्व्हे नंबर २८८(अ) व २९० बाबत यापूर्वी घेण्यात आलेल्या प्रलंबित फेरफार क्रमांक १७७२६, १७७२७ व १७७२८ बाबत याचिकेद्वारे आक्षेप दाखल केले होते. तसेच, सर्व्हे नंबर २८८ (ब) , २८८ (क) बाबत जमीन वर्ग दोन असून त्याचे रूपांतर वर्ग एकमध्ये करण्यासाठी प्रतिवादींनी अर्ज केला आहे. .त्याबाबत तक्रारदार यांनी तहसील कार्यालय येथे आक्षेप दावा दाखल केला होता. या दोन्ही दाव्यांचा निकाल तक्रारदार यांच्या बाजूने लावून देण्यासाठी सहायक महसूल अधिकारी राजेंद्र शिंदे याने गुरुवारी (ता.१५) तहसील कार्यालयात पंचांसमक्ष स्वतःसाठी व तहसीलदारांसाठी पाच लाखांच्या लाचेची मागणी केल्याप्रकरणी अटक करण्यात आली होती..त्यानंतर शुक्रवारी (ता.१६) न्यायालयाने त्याला तीन दिवसांची पोलिस कोठडी सुनावली आहे. सोमवारी ही पोलिस कोठडी संपल्यानंतर त्याला पुन्हा न्यायालयात हजर केले. न्यायालयाकडे त्याची पोलिस कोठडीची मागणी केल्यानंतर न्यायालयाने सरकारी पक्षाचा युक्तिवाद मान्य करून तीन दिवसांची पोलिस कोठडी सुनावली आहे..Bachchu Kadu : बच्चू कडू यांनी केली शासन आदेशाची होळी; गुरुकुंज मोझरी येथे प्रहारचे आंदोलन.दोन पोलिसांची न्यायालयीन कोठडीत रवानगीमटका व्यवसायावर कारवाई न करण्यासाठी २५ हजारांची लाच घेतलेल्या प्रकरणात तालुका जालना पोलिस ठाण्याचे पोलिस उपनिरीक्षक (ग्रेड) परशुराम पवार, अंमलदार लक्ष्मण शिंदे या दोघांना गुरुवारी (ता.१५) नंदूरबार लाचलुचपत प्रतिबंधक विभागाने अटक केली होते. या दोघांना शुक्रवारी (ता.१६) तीन दिवसांची पोलिस कोठडी सुनावली होती. ही पोलिस कोठडी संपल्याने या दोघांना सोमवारी (ता.१९) न्यायालयात हजर करण्यात आले. न्यायालयाने या दोघांची न्यायालयीन कोठडीत रवानगी केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.