कोटींचे रेडे अन्‌ लाखमोलाचे बैल

जालना - येथील कृषी उत्पन्न बाजार समितीच्या मैदानावर शनिवारी (ता. २) तीनदिवसीय ‘महा पशुधन एक्‍स्पो’ या राष्ट्रीय पशुप्रदर्शनाला सुरवात झाली आहे. महागड्या रेड्यांसह देशभरातील विविध जातींचे प्राणी या प्रदर्शनात दाखल झाले आहेत.  

विधानसभेचे अध्यक्ष हरिभाऊ बागडे यांच्या हस्ते या प्रदर्शनाचे उद्‌घाटन झाले. या वेळी पशुसंवर्धनमंत्री महादेव जानकर, राज्यमंत्री अर्जुन खोतकर, बांधकाममंत्री एकनाथ शिंदे, आमदार राजेश टोपे यांची उपस्थिती होती. 

या प्राण्यांचे आकर्षण  
हरियानातील सोळाशे किलो वजनाचा व २१ कोटी रुपये किमतीचा ‘सुलतान’ रेडा या प्रदर्शनाचे आकर्षण ठरत आहे. हरियानातील साडेनऊ कोटींचा ‘युवराज’ नावाचा रेडाही प्रदर्शनात आहे.