माजलगाव : धरणाच्या पायथ्याशी आखाड्यात अडकले आजोबा नातू | Sakal
sakal

बोलून बातमी शोधा

अडकले आजोबा नातू

माजलगाव : धरणाच्या पायथ्याशी आखाड्यात अडकले आजोबा नातू

माजलगाव : शहरा लगत असलेल्या देवखेडा येथे धरणाच्या पायथ्याला असलेल्या शेतातील आखाड्यात आजोबा व नातू अडकून पडले आहेत. चार तासानंतरही विविध प्रयत्न करूनही त्यांना बाहेर काढता आले नाही.

येथील धरणाचे पाणी वाढल्यानंतर आजोबा नातवाला घेऊन झाडावर चढले असल्याचे तेथील नागरिकांनी सांगितले. आज ता 7 मंगळवारी चार वाजता धरणातून मोठ्या प्रमाणात पाणी सोडण्यात आल्यानंतर धरणाच्या पायथ्याशीच असलेल्या आखाड्यात रामप्रसाद गोविंद कदम व त्यांचा सात वर्षांचा नातू शिवप्रसाद सचिन कदम हे आपल्या गोठयात बसले होते.

अचानक पाण्यात वाढ झाल्याने त्यांना बाहेर येता आले नाही. व या दोघांनी बाजूला असलेल्या झाडावर चढून आपले प्राण वाचवले.त्यांनी झाडावर चढल्यानंतर आरडाओरड व फोन केल्यानंतर ही बाब लक्षात आली.

घटनास्थळी तहसीलदार वैशाली पाटील व शहर पोलिस ठाण्याचे पोलिस निरीक्षक धनंजय फराटे तळ ठोकून होते. पाण्यात भोई बांधवानी जाण्याचा प्रयत्न केला असता त्यांना जास्त पाण्यामुळे जात येत नव्हते. दरम्यान परळी येथून बचाव पथकाच्या कर्मचा-याना पाचारण करण्यात आले असल्याची माहिती तहसीलदार वैशाली पाटील यांनी दिली.

Web Title: Majalgaon Grandfather Grandson Stuck Arena Foot Dam

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Marathwada