मराठा आरक्षणासाठी तरुणाने अंगावर रॉकेल ओतून घेतले 

मराठा आरक्षणासाठी तरुणाने अंगावर रॉकेल ओतून घेतले 

लातूर : मराठा समाजाला अारक्षण मिळावे, या मागणीसाठी लातूरमधील एका तरुणाने भरचाैकात अंगावर रॉकेल ओतून घेऊन स्वत:ला पेटवून घेण्याचा प्रयत्न केला. या वेळी घटनास्थळी पोलिसांनी धाव घेऊन त्या तरुणाचे प्राण वाचविले.

हा प्रकार शनिवारी (ता. 4) सकाळी शिवाजी चौकात घडला. आरक्षणाच्या मागणीसाठी राज्यभरात वेगवेगळ्या मार्गाने आंदोलने सुरू आहेत. निदर्शने दाखवली जात अाहेत. राजकीय नेत्यांच्या घरासमोर ठिय्या आंदोलने सुरू आहेत. काही ठिकाणच्या आंदोलनाला हिंसक वळण लागल्याचेही पाहायला मिळत आहे. तर काही ठिकाणी आत्महत्येसारखे प्रकार घडत आहेत. त्यातच लातूरमध्ये विजय तुकाराम मोरे (वय 25. रा. कैलास नगर) या तरूणाने अंगावर रॉकेल ओतून घेऊन स्वत:ला पेटवून घेण्याचा प्रयत्न केला.

शिवाजी चौकात काही तरूण जमा झाले आहेत. ते घोषणो देत अाहेत, अशी माहिती पोलिसांना मिळाली. त्यामुळे ते तातडीने शिवाजी चौकात हजर झाले. त्यावेळी त्यांना मोरे हा तरुण रॉकेल ओतून घेत असल्याचे दिसले. पोलिसांनी तातडीने त्याला ताब्यात घेतले. त्याला शासकीस रूग्णालयात उपचारासाठी पाठविण्यात अाले. या घटनेमुळे शिवाजी चौक परिसरातील पाेलिस बंदोबस्तात पोलिसांनी वाढ केली आहे. दरम्यान, मोरे हा छावा विद्यार्थी आघाडीचा पदाधिकारी असल्याची माहिती सूत्रांनी दिली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com