काकासाहेबांचा पुतळा पाहताच आई मिराबाईंनी फोडला हंबरडा

kakasaheb.jpg
kakasaheb.jpg

औरंगाबाद : मराठा आरक्षणासाठी जलसमाधी घेतलेल्या हुतात्मा काकासाहेब शिंदे यांचा कायगाव पुलावरील पुतळा पाहताच, आई मीराबाई शिंदे यांनी हंबरडा फोडला. पहिल्या स्मृती दिनानिमित्त मंगळवारी (ता. २३) सकाळी काकासाहेबांचे कुटुंबीय आणि मराठा क्रांती मोर्चातर्फे श्रद्धांजली वाहण्यात आली.

काकासाहेब शिंदे यांनी २३ जुलै २०१८ ला गोदावरी नदीत उडी घेऊन जलसमाधी घेतली होती. या घटनेस आज एक वर्ष पुर्ण झाले. त्यामुळे श्रद्धांजली वाहण्यासाठी मराठा बांधव मोठ्या संख्येने आले होते. यात वडील दत्तात्रय शिंदे, आई मीराबाई शिंदे, भाऊ अविनाश शिंदे यांच्यासह जिल्हा परिषद अध्यक्ष देवयानी डोणगावकर आदींची उपस्थिती होती. 'काकासाहेब शिंदे अमर रहे', 'एक मराठा लाख मराठा' अशा घोषणा देण्यात आल्या.

जि.प.च्या अधिकारी, पदाधिकाऱ्यांकडून पाच लाखांची मदत..
काकासाहेबांच्या निधनानंतर जिल्हा परिषदेने जाहीर केलेली दहा लाख रुपयांची मदत लालफितीत अडकल्याचे सांगून अधिकारी, पदाधिकाऱ्यांनी जमा केलेले पाच लाख रुपये यावेळी कुटुंबीयांकडे सुपुर्द करण्यात आले. 

हुतात्म्यांना शौर्य प्रमाणपत्र..
जुने कायगाव येथे दुपारी शिवशाहीर जाधव यांनी शौर्याचे पोवाडे गायले. यानंतर राज्य समन्वयकांच्याहस्ते हुतात्मा झालेल्या काकासाहेब शिंदे, उमेश एंडाईत, केशव चौधरी, जगन्नाथ सोनवणे, कारभारी शेळके, प्रमोद होरे, किशोर हारदे, प्रदीप म्हस्के
यांच्या कुटुंबातील सदस्यांना शौर्य प्रमाणपण देण्यात आले.

रक्तदान, वृक्षारोपण, किर्तन...
जुने कायगाव येथील रामेश्वर मंदिरात ३०० हुन अधिक जणांनी शिबिरात रक्तदान केले. तसेच मंदीर परिसरात २५० झाडे लावण्यात आली. स्मृती दिनानिमित्त निवृत्ती महाराज इंदुरीकर यांचे सायंकाळी चार वाजता किर्तन होणार आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News
www.esakal.com