नांदेड उत्तरमधील बसपचे उमेदवार किडनॅप

नांदेड : नांदेड (उत्तर) विधानसभा मतदार संघाच्या निवडणूक रिंगणात असलेले बहुजन समाज पक्षाचे (बसप) उमेदवार डॉ. प्रकाश बगाटे यांचे अज्ञातांनी सोमवारी (ता. 14) सकाळी 11 वाजता अपहरण केले. यामुळे जिल्ह्यात खळबळ उडाली आहे. या प्रकरणी भाग्यनगर पोलिस ठाण्यात मंगळवारी (ता. 15) पहाटे एकच्या सुमारास गुन्हा दाखल झाला. 

WhatsApp अॅडमीनवर निवडणूक आयोगाचा डोळा; महाराष्ट्रातील 12 ग्रुप्सवर कारवाई

नांदेड उत्तर विधानसभा निवढणूकीसाठी बहुजन समाज पक्षाचे उमेदवार डॉ. प्रकाश गोविंदराव बगाटे हे नेहमीप्रमाणे सकाळी प्रचारासाठी घराबाहेर पडले. या मतदार संघात त्यांना वाढता प्रतिसाद लक्षात घेता विरोधकांनी त्यांचे अपहरण केल्याचा आरोप नातेवाईक व पक्षाच्या वतीने करण्यात आला. सोमवारी (ता. 14) सकाळी 11 वाजल्यापासून ते अचानक बेपत्ता झाले. त्यांचा शहरभर व मित्र- मंडळीकडे शोध घेतला परंतु ते सापडले नाही.

Vidhan Sabha 2019 : मुख्यमंत्री म्हणतात, 'नितेश राणेंना आमच्या शाळेत संयम शिकवू

अपहरण केलेल्या उमेदवाराचा तात्काळ शोध लावून निवडणुक निकाल जाहीर होईपर्यंत त्यांना सुरक्षा द्यावी, तसेच नांदेड उत्तर विधानसभेची निवडणुक रद्द करावी अशी मागणी बसपच्या वतीने जिल्हाधिकारी तथा नृजिल्हा निवणूक अधिकारी यांच्याकडे एका शिष्टमंडळाने निवेदनाद्वारे केली आहे. या अपहरणप्रकरणी बबीता बालाजी पाईकराव यांच्या फिर्यादीवरुन भाग्यनगर पोलिस ठाण्यात अज्ञाताविरूध्द अपहरणाचा गुन्हा दाखल करण्यात आला आहे. तपास पोलिस निरीक्षक अनिरूध्द काकडे करित आहेत.