अंध, अपंगांना मतदानासाठी मोफत रिक्षा

औरंगाबाद : विधानसभा निवडणुकीसाठी संपूर्ण यंत्रणा सज्ज झाली आहे. मतदान केंद्रापर्यंत जाण्यासाठी अंध, अपंग, वृद्ध, गरोदर महिला आदी गरजूंना मतदान केंद्रापर्यंत पोचवण्यासाठी जिल्हा निवडणूक विभागाच्या सूचनेनुसार आरटीओ कार्यालयाने मोफत रिक्षांची सोय केली आहे. 

शहरातील प्रत्येक केंद्रावर गरजू मतदारांसाठी रिक्षांची सोय करून देण्यात आली आहे. शहरातील मतदान केंद्रांवर अंध, अपंग, वृद्ध, गरोदर महिलांसाठी तसेच इतर गरजू मतदारांसाठी जिल्हा निवडणूक विभागाने 330 मोफत रिक्षांची व्यवस्था केली आहे.

प्रत्येक केंद्रावर या मोफत सेवा देणाऱ्या रिक्षा उभ्या राहणार आहेत. निवडणूक विभागाने दिलेल्या क्रमांकावर संपर्क साधल्यानंतर ही रिक्षा उपलब्ध करून देण्यात येणार आहे. तसेच संबंधित मतदान केंद्रांवर माहिती दिल्यानंतरही रिक्षाची सोय उपलब्ध करून दिली जाणार आहे. यासाठी निवडणूक विभागाने (क्र. 1950) हा क्रमांक उपलब्ध करून दिला आहे. अशी माहिती अधिकारी पांडुरंग कुलकर्णी यांनी दिली.