- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
उस्मानाबाद : जिल्ह्याचे पालकमंत्री शंकरराव गडाख यांच्या पत्नीचा कोरोना अहवाल पॉझिटिव्ह आला असल्याची माहिती स्वतः श्री. गडाख यानी फेसबूकच्या माध्यमातुन दिली. त्यांचीही तपासणी करुन स्वॅब नमुना घेतला आहे. त्यांच्याही अहवालाकडे आता लक्ष लागले असून तोपर्यंत ते क्वारंटाईन राहणार असल्याचेही त्यानी म्हटले आहे. ते जिल्ह्यामध्ये सोमवारी येणार होते मात्र आता दौरा पुन्हा ढकलावा लागणार आहे.
कोरोना बाधित रुग्णांना काजू अन् अक्रोडचा खुराक
गेल्या काही दिवसांपासुन पालकमंत्री श्री. गडाख यांच्यावर जिल्ह्यातून नाराजी व्यक्त केली जात होती. त्यानी जिल्ह्यामध्ये येऊन यंत्रणेला कामाला लावण्याची मागणी होऊ लागली. भाजप व मनसेच्यावतीने त्यांच्याविरोधात चांगलेच वातावरण तयार करण्यात आले होते. साहजिकच त्यावर त्यानी उत्तर देऊन आरोप फेटाळले होते. त्यामध्ये त्यानी कोरोनाची लागण अधिक वाढु शकण्याचा धोका बोलुन दाखविला होता.
तर आता त्यांच्या पत्नीना कोरोनाची लागन झाल्याने आता ते काही दिवस क्वारंटाईन राहणार असल्याचे त्यानी सांगितले आहे. उस्मानाबाद जिल्ह्यामध्ये त्यांनी यावे. या ठिकाणी बैठक घ्यावी अशी मागणी विरोधी पक्षातील लोकप्रतिनिधीकडून करण्यात येत आहे. त्यामुळे त्यानी सोमवारी जिल्ह्यामध्ये येण्याबाबत नियोजन केले होते. पण आता त्यानाच क्वारंटाईन व्हावे लागणार असल्याचे जिल्ह्यामध्ये नियोजीत केलेले कार्यक्रम व बैठकाही पुढे ढकलण्यात येणार आहेत.
सुत्राच्या माहितीनुसार त्यांच्या हस्ते जिल्ह्यातील कोरोना टेस्टिंग लॅबचे उद्घाटन करण्यात येणार होते, पण त्यांच्या गैरहजेरीत आता ही लॅब सूरु करण्यात येईल असे सांगण्यात येत आहे. त्यानी स्वतः प्रसिध्दीपत्रकांच्या माध्यमातून जिल्ह्यातील कोरोना टेस्टिंग लॅब पुढील आठवड्यात सूरु करण्यात येणार असल्याचे जाहीर केले होते.
जिल्हावासीयांच्या सोयीसाठी ही लॅब अत्यंत महत्वाची असुन गेल्या अनेक महिन्यापासुन त्याची प्रतिक्षा लागुन राहिली आहे. वेगवेगळ्या कारणामुळे ही लॅब सूरु होण्यास विलंब होत असल्याचे दिसुन आले आहे. आता पुन्हा त्याला विलंब होणार याची काळजी प्रशासनाच्या माध्यमातुन घेतली जाणार आहे.
(संपादन : प्रताप अवचार)
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.