मीरा एखंडे मृत्यू प्रकरणी सर्वपक्षीय मूकमोर्चा

माजलगांव (बीड) : येथील मिरा एखंडे व तिच्या नवजात बाळाच्या मृत्युप्रकरणी डाॅ. सुरेश साबळे यांच्यावर सदोष मुनष्यवधाचा गुन्हा दाखल करण्यात यावा, तसेच त्यांना सेवेतुन बडतर्फ करण्यात यावे या मागणीसाठी शहरातुन सोमवारी (ता. 7) सर्वपक्षीय मूक मोर्चा काढण्यात आला. मोर्चामध्ये महिलांचाही मोठा सहभाग होता.

येथील ग्रामीण रूग्णालयात 28 डिसेंबरला मिरा एखंडे या प्रसुतीसाठी दाखल झाल्या होत्या. प्रसुतीदरम्यान रक्तस्त्राव झाल्यामुळे मृत्यु झाल्याची घटना घडली होती. ग्रामीण रूग्णालयाचे प्रभारी वैद्यकीय अधिक्षक डाॅ. सुरेश साबळे हेच या घटनेला जबाबदार आहेत असा आरोप नातेवाईकांनी करत डाॅ. साबळे यांच्यावर सदोष मनुष्यवधाचा गुन्हा दाखल करण्यात यावा या मागणीसाठी सर्वपक्षीय मुक मोर्चा तहसिल कार्यालयावर हनुमान चैकातुन काढण्यात आला. या मोर्चात राष्ट्वादी काॅंग्रसे, भाजपा, शिवसेना, काॅंग्रेस, भारिप बहुजन महासंघ, मनसे, मल्हार सेना, समता परिषद, मानवी हक्क अभियान, मुस्लिम संघटना, जिजाउ ब्रिगेड यासह विवीध सामाजिक संघटना सहभागी झाल्या होत्या.