कोरोना झाल्याचे सांगून मारहाण, परस्परविरोधी गुन्हे...बीड जिल्ह्यातील घटना

संग्रहित छायाचित्र
संग्रहित छायाचित्र

सिरसाळा (जि. बीड) - तुझ्या घरच्यांना कोरोना झाला आहे, या कारणावरून जातीवाचक शिवीगाळ करून एकाचे काठीने मारहाण करून डोके फोडल्याची घटना धारूर तालुक्यातील देवठाणा गावात घडली. या प्रकरणी सिरसाळा पोलिस ठाण्यात ॲट्रॉसिटी ॲक्टनुसार तिघा जणांविरुद्ध गुन्हा नोंदविण्यात आला आहे.

देवठाणा गावातील ऋषिकेश बंडू वावळकर यांनी पोलिसांत दिलेल्या फिर्यादीत म्हटले आहे, की गावातील नारायण भगवान काशीद, पप्पू उर्फ जिजासाहेब भगवान काशीद, संतोष मोतीराम सोळंके यांनी संगनमताने घरात घुसून तुझ्या आजी-आजोबा, मामी, मावशीला कोरोना रोग झाला असे म्हणत जातीवाचक शिवीगाळ केली व डोक्यात काठीने मारहाण करून ठार मारण्याची धमकी दिली. या घटनेतील जिजासाहेब काशीद यास पोलिसांनी ताब्यात घेतले. तपास उपविभागीय अधिकारी श्रीकांत डिसले हे करत आहेत.

या प्रकरणात पप्पू उर्फ जिजासाहेब काशीद यांनी यांनी दिलेल्या फिर्यादीत म्हटले की, संचारबंदीचे आदेश असताना घराबाहेर पडून शेतातील झाडे का तोडता, असे विचारताच बाळासाहेब सहजराव, ऋषिकेश वावळकर, रंगनाथ सहजराव, ओम सहजराव (रा. देवठाणा, ता. धारूर) यांनी संगनमताने शिवीगाळ व काठीने मारहाण करून जखमी केले. त्यामुळे या प्रकरणात चौघाविरुद्ध गुन्हा दाखल करण्यात आला आहे. जमादार दिलीप कुरेवाड हे तपास करत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com