coronaviru - बीड जिल्ह्यातील सहा जणांचे अहवाल निगेटीव्ह 

संग्रहित छायाचित्र
संग्रहित छायाचित्र

बीड - पिंपळा (ता. आष्टी) येथील एकाला कोरोना विषाणूची लागण झाल्याचे नगरमध्ये उघड झाल्यानंतर त्याच्या पत्नीसह संपर्कातील सहा जणांच्या घशातील द्रवाची तपासणी करण्यात आली. या सर्वांचेच अहवाल निगेटीव्ह आले असून, आता जिल्ह्यात एकही नवीन रुग्ण नाही. 

पिंपळा (ता. आष्टी) येथील एक ६० वर्षीय व्यक्ती तबलिगी जमातमधून आलेल्या आपल्या जावयाला भेटण्यासाठी नगरला गेला. दरम्यान, त्याचे वास्तव्य असलेल्या नगरमधील भिंगार येथील मशिदीतील एकास कोरोनाची लागण झाल्याने त्याच्या संपर्कातील या व्यक्तीसह इतरांना नगर जिल्हा प्रशासनाने क्वारंटाईन केले. मात्र, क्वारंटाईन असताना व लॉकडाऊनच्या काळात तो पोलिसांची नजर चुकवून गावात आला. मात्र, नगरच्या प्रशासनाने पुन्हा त्याला विलगीकरण कक्षात दाखल केले.

त्याच्यासह सोबतच्या अन्य एकाचीही तपासणी करण्यात आली. यामध्ये एकाला कोरोना असल्याचे स्पष्ट झाले. त्यामुळे बीड जिल्हा प्रशासनाने त्याच्या पत्नीसह संपर्कातील इतर पाच अशा सहा जणांना बुधवारी (ता. आठ) जिल्हा रुग्णालयातील विलगीकरण कक्षात दाखल करून त्यांचे स्वॅब तपासणीसाठी पाठविले होते. त्याचे अहवाल शुक्रवारी (ता. दहा) निगेटीव्ह आले. दरम्यान, जिल्ह्यातून आतापर्यंत १०९ जणांचे स्वॅब तपासणीसाठी पाठविले असून सर्वांचेच अहवाल निगेटीव्ह आले आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com