नांदेड जिल्ह्यामध्ये तीन शेतकऱ्यांची आत्महत्या 

नांदेड जिल्ह्यामध्ये तीन शेतकऱ्यांची आत्महत्या 

नांदेड - सततची नापिकी, कर्जबाजारीपणाला कंटाळून जिल्ह्यात तीन शेतकऱ्यांनी आत्महत्या केल्याच्या घटना घडल्या आहेत. 

नापिकीमुळे बॅंकेचे कर्ज फेडू न शकल्याच्या विवंचनेतून कोळनूर (ता. मुखेड) येथील शेतकरी नागनाथ चंदर पाटील (वय 45) यांनी बुधवारी (ता. 2) विषारी गोळ्यांचे सेवन केले. मुखेड उपजिल्हा रुग्णालयात उपचार सुरू असतानाच त्यांचे निधन झाले. निमगाव (ता. हदगाव) येथील शेतकरी शंकर उमाजी गलांडे (वय 29) यांनी नापिकी, कर्जबाजारीपणामुळे काल रात्री गळफास घेऊन आत्महत्या केली. मनाठा पोलिस ठाण्यात घटनेची नोंद झाली. दरसांगवी (ता. किनवट) येथील शेतकरी उत्तम राजू राठोड (वय 55) यांनी सततच्या नापिकीमुळे काढलेल्या बॅंकेच्या कर्जाची वेळेवर परतफेड होत नव्हती. वसुलीसाठी तगादा वाढल्याने त्यांनी काल सायंकाळी विष घेतले. मांडवी येथील रुग्णालयात उपचारादरम्यान त्यांचे निधन झाले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com