देगलूर - दोन मोटरसायकलची समोरासमोर धडक होऊन झालेल्या अपघातात एका मोटरसायकलवरील गंजगाव, ता. बिलोली येथील एक युवक जागीच ठार झाला. तर इतर तीन जण गंभीर जखमी झाले आहेत..अपघातातील जखमींना देगलूर उपजिल्हा रुग्णालयात प्रथमोपचार केल्यानंतर त्यांना पुढील उपचारासाठी नांदेडला हलविण्यात आले आहे. ही घटना गुरुवारी ता. १५ रोजी दुपारी शेवाळा थडीहिप्परगा या रोडवर घडली..यासंदर्भात पोलीस सूत्रांकडून हाती आलेली माहिती अशी की, गंजगाव ता. बिलोली येथील युवक मोटरसायकलवरून देगलूरकडे येत होते. तर दुसरी मोटरसायकल देगलूरवरुन शेवाळामार्गे बिलोलीकडे जात असताना दोन मोटरसायकलची शेवाळा-थडीहिप्परगा या रोडवर समोरासमोर धडक होऊन झालेल्या अपघातात गंजगाव, ता. बिलोली येथील युवक हणमंत मारुती डुबुकवाड (वय-३१) हे जागीच ठार झाले..तर माधव सायलू वन्नलवाड (वय-३०), रा. गंजगाव, शेख शोएब अजीम (वय-२२), रा. नरंगलरोड देगलूर , शेख उमरपाशा (वय-२४), रा. नरंगलरोड, देगलुर हे तीन जण गंभीर जखमी झाले आहेत..जखमीवर देगलूर उपजिल्हा रुग्णालयात प्राथमिक उपचार केल्यानंतर त्यांना पुढील उपचारासाठी नांदेडला हलविण्यात आले असून याप्रकरणी देगलूर पोलिसात रात्री उशिरापर्यंत गुन्हा नोंद करण्याची प्रक्रिया सुरू असल्याचे सांगण्यात आले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
