Corona Breaking : उदगीरात चार वृद्धांचा कोरोनाने मृत्यू ; चोवीस तासात सव्वीस रूग्णांची वाढ

corona death.jpg
corona death.jpg

उदगीर (लातूर) : येथील कोरोना रुग्णालयात गुरूवारी (ता.३०) रोजी चार जणांना कोरोनाने मृत्यू झाला आहे. दोन दिवसात तब्बल २६ कोरोना बाधित रूणांची वाढ झाली असुन दिवसेंदिवस संसर्गाचा धोका वाढत आहे. दिवसेंदिवस वाढत असलेल्या कोरोना बळीमुळे उदगीर शहर व परिसरात खळबळ उडाली आहे.

येथील कोविंड रुग्णालयात उपचार घेत असलेल्या बसवेश्वर चौक  येथील एका ६५ वर्षीय,  डोनगेशेळकी (ता.उदगीर) येथील एका सत्तर वर्षीय, चौबारा रोड येथील ९० वर्षीय व्यक्तीचा तर नालंदा नगर येथील ७० वर्षेच व्यक्तीचा कोविडने मृत्यू झाला आहे. या चौघाच्या मृत्यूमुळे पुन्हा शहर व परिसरात चिंताजनक परिस्थिती निर्माण झाली.

दिवसेंदिवस बाधित रुग्णांची संख्या वाढत असून मृत्युचे प्रमाणही मोठ्या प्रमाणावर वाढले आहे. येथील रुग्णालयात मुखेड, जळकोट, देवणी, अहमदपूर या भागातील रुग्ण दगावत असल्याने मृत्यूचा आकडा वाढत आहे.त्यामुळे परिसरात भीतीचे वातावरण निर्माण झाले आहे. या पार्श्वभूमीवर नागरिकांनी अधिक काळजी घेणे आवश्यक बनले आहे. 

बुधवारी (ता.२९) रोजी उशिरा आलेल्या अहवालात पुन्हा चौदा जणांना कोरोनाची लागण झाली आहे. यात हडरगुळी २, नागलगाव १, देगलूर रोड ३, आर्यसमाज १, रेड्डी कॉलनी १, रेल्वे स्टेशन १, प्रिन्स लॉज १, आंबेडकर सोसायटी १, डोंगरशेळकी १ शास्त्री कॉलनी १अशा चौदा नवीन रूग्णाची नोंद झाली आहे.गुरूवारी (ता.३०} रोजी रात्री उशिरा आलेल्या अहवालात हिंदू खटीक गल्ली १ साईधाम १ सय्यद चांद दर्गा २, निडेबन १, भगीरथीनगर २, शिवनगर एसटी कॉलनी २, वाढवणा १, हरकरे नगर १, संत कबीरनगर १, सराफ लाईन १, विजयनगर १ अशा बारा रुग्णांची नोंद झाली आहे.

सद्या येथील कोरोना रुग्णालयात उदगीर ३१५, जळकोट ५, निलंगा २, अहमदपूर ६, मुंबई ३, चाकूर ४, हैदराबाद १, मुखेड ४, देवणी ६, बिदर १, पुणे १ अशा कोरोनाची बाधा झालेल्या ३४९ रुग्णांची नोंद झाली आहे. पैकी 26 जणांचा मृत्यू झाला झाला आहे. यापैकी २०४ रुग्णांना यशस्वी उपचारानंतर बरे झाल्याने घरी पाठवण्यात आले आहे. बारा रुग्णांना उपचारासाठी रेफर करण्यात आले आहे.

सध्या कोविंड रुग्णालयात ४४ तर तोंडार पाटी येथील कोविड केअर सेंटर येथे ३८ रुग्णांवर उपचार चालू असल्याची माहिती जिल्हा शल्यचिकित्सक कार्यालयाचे निवासी वैद्यकीय अधिकारी डॉ. सतिश हरिदास व कोव्हिड रुग्णालयाचे नोडल अधिकारी डॉ. शशिकांत देशपांडे यांनी दिली आहे.

संपादन-प्रताप अवचार 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com