Corona Breaking : उदगीर हादरले; पुन्हा चौघांचा मृत्यू 

उदगीर (लातूर) : येथील कोरोना रुग्णालयात शुक्रवारी (ता.२४) रोजी सायंकाळच्या सुमारास चौघांचा मृत्यू झाला आहे. दिवसेंदिवस वाढत असलेल्या कोरोना बळीमुळे उदगीर शहर व परिसर हादरला आहे.

कोरोना बाधित रुग्णांना काजू अन् अक्रोडचा खुराक   

येथील कोविंड रुग्णालयात उपचार घेत असलेल्या गणेश नगर उदगीर येथील साठ वर्षीय व्यक्तीचा मृत्यू झाला आहे. खडकाळी गल्ली येथील पन्नास वर्षे वय असलेल्या महिलेचा मृत्यू झाला आहे. या दोघांचेही अहवाल प्रलंबित आहेत. हळद वाढवणा (ता.जळकोट) येथील ६० वर्षीय तर बापशेट वाडी (ता.मुखेड) येथील ६५ वर्षे पुरुषाचा रुग्णालयात दाखल करत असताना मृत्यू झाला आहे.

ऑनलाइन शिक्षणाचा स्क्रीनटाईम वाढल्याने विद्यार्थ्यांचे वाढले हे आजार...   

दिवसेंदिवस बाधित रुग्णांची संख्या वाढत असून मृत्यूचे प्रमाणही मोठ्या प्रमाणावर वाढले आहे. त्यामुळे परिसरात भीतीचे वातावरण निर्माण झाले आहे. या पार्श्वभूमीवर नागरिकांनी अधिक काळजी घेणे आवश्यक बनले आहे.

बेडूक अन् उंदरांवर चालते त्यांची उपजीविका  

सद्या येथील कोरोना रुग्णालयात उदगीर २२५, जळकोट ३, निलंगा २, अहमदपूर ६, मुंबई ३, चाकूर ३, हैदराबाद १, मुखेड ४, देवणी ५, बिदर १ अशा कोरोणाची बाधा झालेल्या २५३ रुग्णांची नोंद झाली आहे. पैकी १८ जणांचा मृत्यू झाला झाला आहे. यापैकी १६० रुग्णांना यशस्वी उपचारानंतर बरे झाल्याने घरी पाठवण्यात आले आहे. अकरा रुग्णांना उपचारासाठी रेफर करण्यात आले आहे. सध्या कोविंड रुग्णालयात २५ तर तोंडार पाटी येथील कोविड केअर सेंटर येथे ३२ रुग्णांवर उपचार चालू असल्याची माहिती माहिती जिल्हा शल्य चिकित्सक कार्यालयाचे निवासी वैद्यकीय अधिकारी डॉ सतिश हरिदास व कोव्हिड रुग्णालयाचे नोडल अधिकारी डॉ शशिकांत देशपांडे यांनी दिली आहे.

प्यार वाली लव्ह स्टोरी : उस्मानाबादचा 'पठ्ठया' प्रियसीसाठी चक्क पाकिस्तान बॉर्डरवर..!  

पुन्हा सहा दिवस संचारबंदी
सात ते बारा शनिवारी (ता.२५) ते गुरुवारी (ता.३०} पर्यंत लातूरच्या जिल्हाधिकाऱ्यांनी संचारबंदी लागू केली आहे. या सहा दिवसांच्या काळात यावर अत्यावश्यक सेवा वगळता इतर सर्व आस्थापनांना निर्बंध घातले असून नागरिकांनी संचारबंदीचे काटेकोरपणे पालन करण्याचे आवाहन प्रशासनाच्या वतीने  करण्यात आली आहे.

(संपादन-प्रताप अवचार)