साडेचार हजार शाळांनी केली नोंदणी

Udise
Udise

औरंगाबाद - केंद्र सरकारच्या मनुष्यबळ विकास मंत्रालयातर्फे यू-डायस प्लस पोर्टलवर शाळांची माहिती भरण्याचे आदेश दिले आहेत. राज्यातील बहुतांश शाळांनी आद्याप यू-डायस पोर्टलवर नोंदणी केलेली नसल्याने शासनाकडून वारंवार मुदतवाढ देण्यात येत आहे. यात औरंगाबाद जिल्ह्यातील तब्बल चार हजार ५०१ शाळांची नोंदणी पूर्ण झाली. दरम्यान, ज्यांनी अद्याप नोंदणी केलेली नाही अशा शाळांसाठी आता दहा जुलैपर्यंत मुदतवाढ देण्यात आली आहे, अशी माहिती शिक्षणाधिकारी सूरजप्रसाद जयस्वाल यांनी दिली.

वारंवार सूचना देऊनही जिल्ह्यातील तब्बल शंभर शाळांना यू-डायस प्लस प्रणालीवर ऑनलाइन माहिती भरण्याचा विसर पडला होता. या शाळांना माहिती भरण्यासाठी ३० जूनपर्यंत मुदतवाढ देण्यात आली होती. हा तीस पानांचा फॉर्म निकषानुसार भरण्यात येत नसल्याने शासनाकडून वारंवार मुदतवाढ देत अचूक माहिती सादर करण्याचे सूचित करण्यात येत होते. येत्या ३० जूनला शाळांची माहिती महाराष्ट्र प्राथमिक शिक्षण परिषदेच्या राज्य कार्यालयामार्फत केंद्र शासनाकडे सादर करावयाची होती; मात्र अजून राज्यातील बहुतांश शाळांनी माहिती पूर्ण न भरल्यामुळे या पोर्टलवर नोंदणीसाठी दहा जुलैपर्यंत मुदतवाढ देण्यात आली आहे.

औरंगाबाद जिल्ह्यातील तब्बल चार हजार ५०१ शाळांपैकी शंभर शाळांची नोंदणी अद्याप बाकी होती. त्यापैकी ६३ शाळांची नोंदणी पूर्ण झाली असून ३७ शाळांची माहिती भरणे सुरू आहे. येत्या दोन दिवसांत हे काम पूर्ण होईल, अशी माहिती शिक्षणाधिकारी (प्राथमिक विभाग) यांनी दिली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com