सुसाट निघालेल्या तरुणांना ब्रेक, दोन दुचाकी धडकल्याने दोघे गंभीर जखमी

अंबड (जि.जालना) : अंबड-जालना महामार्गावरील शहरापासून अवघ्या तीन किलोमीटर अंतरावर असलेल्या रिलायन्स व महालक्ष्मी पेट्रोलपंपाच्या जवळ सोमवारी (ता.एक) दुपारी साडेबारा वाजेच्या दरम्यान दोन दुचाकींची जोराची धडक झाल्याने यामध्ये दोन्ही दुचाकीवरील तरुण गंभीर जखमी झाले आहेत. याबाबत सविस्तर माहिती अशी की, अंबड तालुक्यातील रोहिलागड येथील अभिषक दादासाहेब टकले (वय 20) व अमर टकले (21) व इतर दोघे दोन दुचाकीवरून चौघे जात असताना रस्त्यात अपघात घडला आहे. अभिषेक टकले व अमर टकले हे अंबड शहरातील औद्योगिक प्रशिक्षण संस्थेत अभ्यासक्रम पूर्ण करत आहेत.

हेही वाचा - Success Story: अडचणींवर मात करत अखेर बनला PSI, राहुलने पहिल्याच प्रयत्नात मिळविले यश

नेहमीप्रमाणे दोघे अंबडला सोमवारी सकाळी दुचाकीवरून आले. त्यानंतर दुपारी साडेबारा वाजेच्या दरम्यान शहरातून रोहिलागड या आपल्या गावाकडे जात असताना सुसाट वेगाने एक पाठोपाठ जात असताना अंबड-जालना महामार्गावरील पेट्रोलपंपाजवळ दोन्ही दुचाकी पाठीमागून एकमेकाला धडकल्याने यामध्ये दोघे गंभीर जखमी झाले आहेत.

हेही वाचा - 'भाजपला सत्तेतून बाहेर काढण्यासाठी शरद पवार, मुख्यमंत्री ठाकरेंनी नेतृत्व केले तर देशाला मजबूत नेतृत्व मिळेल'

ग्रामस्थाच्या मदतीने दोघा जखमींना अंबड, जालना येथे उपचारासाठी दाखल करून न घेतल्याने औरंगाबाद येथे हलविण्यात आले आहे. अंबड शहर व परिसरात सध्या सिमेंट रस्त्याचे काम मंदगतीने सुरू असल्याने वाहतुकीची कोंडी होत आहे. याचबरोबर अनेक ठिकाणी पुलाचे काम रखडले आहे. महामार्गावर दुभाजक नसल्याने सारखे अपघाताचे प्रमाण वाढत आहे.

संपादन - गणेश पिटेकर