पनवेलमध्ये बेकायदा वास्तव्यास असलेल्या बांगलादेशी नागरिकांना अटक

File Photo
File Photo

पनवेल : पनवेलमधील धाकटा खांदा भागात बेकायदा वास्तव्यास असलेल्या १० बांगलादेशी नागरिकांना मुंबई पोलिसांच्या विशेष शाखेने शुक्रवारी पहाटे अटक केली.

पवनेलमधील धाकटा खांदा भागात काही बांगलादेशी नागरिक बेकायदा वास्तव्यास असल्याची माहिती मुंबई पोलिसांच्या गुन्हे अन्वेषण विभागाच्या विशेष शाखेला मिळाली होती. त्यानंतर विशेष शाखेच्या पथकाने कामोठे पोलिसांच्या मदतीने पहाटे ३ वाजण्याच्या सुमारास धाकटा खांदा भागातील कृष्णा त्र्यंबक पाटील यांच्या इमारतीवर छापा मारला.

या वेळी सदर इमारतीतील चार वेगवेगळ्या घरामध्ये राहण्यास असलेल्या शमशुल अबुबकर शेख (५०), मुस्ताहिन तकुब्बर फकीर (२३) राजू चाँद मुल्ला (२८), जनातुल शमशुल शेख (१९), शकील खशरुल मुल्ला (१९), जहिरुल अस्लम खान (२२) आणि नाहिम तकुब्बर फकीर (२१) या  सात जणांना ताब्यात घेतले.

त्यानंतर पोलिसांनी म्हात्रे चाळीवर छापा मारून त्या ठिकाणी राहणाऱ्या नजमुल अब्दुल सत्तार शेख (३२), मोहिदुल इकलाज गाझी (४०) आणि मोहम्मद नुरइस्लाम रशीद सिद्धर (३१) या तिघांना ताब्यात घेतले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com