महापरिनिर्वाण दिनानिमित्त मध्य रेल्वेच्या 12 विशेष लोकल 

महापरिनिर्वाण दिनानिमित्त मध्य रेल्वेच्या 12 विशेष लोकल 

मुंबई : डॉ. बाबासाहेब आंबेडकर यांच्या महापरिनिर्वाण दिनानिमित्त मध्य रेल्वेतर्फे 5 डिसेंबरच्या मध्यरात्रीपासून 12 विशेष लोकल चालवण्यात येणार आहेत. दादर ते कुर्ला, ठाणे, कल्याण आणि कुर्ला ते वाशी-पनवेल या मार्गांवरील विशेष लोकलमुळे आंबेडकरी अनुयायांना दिलासा मिळणार आहे. 

मध्य रेल्वेच्या मुख्य मार्गावरून कुर्ला-दादर विशेष लोकल मध्यरात्री 12 वाजून 45 मिनिटांनी, कल्याण-दादर लोकल मध्यरात्री 1 वाजता, ठाणे-दादर लोकल मध्यरात्रीनंतर 2 वाजून 10 मिनिटांनी सुटणार आहे. दादर-ठाणे लोकल मध्यरात्री 1 वाजून 15 मिनिटांनी, दादर-कल्याण लोकल मध्यरात्रीनंतर 2 वाजून 25 मिनिटांनी आणि दादर-कुर्ला लोकल पहाटे 3 वाजता चालवण्यात येईल. 

हार्बर मार्गावर वाशी-कुर्ला लोकल मध्यरात्री 1 वाजून 30 मिनिटांनी, पनवेल-कुर्ला लोकल मध्यरात्री 1 वाजून 40 मिनिटांनी आणि वाशी-कुर्ला लोकल शुक्रवारी पहाटे 3 वाजून 10 मिनिटांनी सोडण्यात येईल. कुर्ला-वाशी लोकल पहाटे 2 वाजून 30 मिनिटांनी, कुर्ला-पनवेल लोकल पहाटे 3 वाजता, कुर्ला-वाशी लोकल पहाटे 4 वाजता सुटेल. प्रवाशांनी या विशेष लोकलचा लाभ घ्यावा, असे आवाहन मध्य रेल्वे प्रशासनाने केले आहे.  

web title : 12 special trains of Central Railway on Mahaparinirvan Day

 
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com