रिक्षा जप्तीची वांद्य्रात कारवाई 

रिक्षा जप्तीची वांद्य्रात कारवाई 

मुंबई - वांद्रे स्थानकावरून अवैध वाहतूक करणाऱ्या रिक्षाचालकांच्या मुजोरीकडे परिवहन विभाग "अर्थपूर्ण' कानाडोळा करत असल्याची बातमी "सकाळ'ने सोमवारी दिली होती. त्याची परिवहनमंत्री दिवाकर रावते यांनी तत्काळ दखल घेत कारवाईचे आदेश दिले. परिणामी, अवैध वाहतूक करणाऱ्या विनामीटरच्या 24 रिक्षा सोमवारी जप्त करण्यात आल्या. 

राज्याचे परिवहन विभाग कार्यालय असलेल्या वांद्रे परिसरात रिक्षावाल्यांची मुजोरी चालली आहे. वांद्रे रेल्वेस्थानकाबाहेरून रिक्षा मिळवणे प्रवाशांना कठीण झाले आहे. या ठिकाणी फक्त शेअर रिक्षाच मिळतात. मिटरने येण्यासाठी एकही रिक्षावाला तयार होत नाही. रिक्षावाल्यांच्या मर्जीशिवाय इच्छितस्थळी पोहचणे कठीण होते. एखाद्या प्रवाशाने मीटरने जाण्यासाठी आग्रह धरल्यास रिक्षावाले त्याच्यावर धाऊन जातात. या ठिकाणी रात्री प्रवासी वाहतूक करणाऱ्या अनेक रिक्षा विनामीटर असल्याची बातमी "सकाळ'ने दिली होती. त्याची दखल घेत परिवहनमंत्री दिवाकर रावते यांनी परिवहन विभागाच्या अधिकाऱ्यांना चांगलेच फैलावर घेतले. यानंतर परिवहन अधिकाऱ्यांनी केलेल्या तपासणीत 24 रिक्षा बेकायदा म्हणजे विनामीटर प्रवासी वाहतूक करत असल्याचे दिसून आले. 

"सकाळ'मध्ये आलेली बातमी वाचून मी अधिकाऱ्यांना कारवाईचे आदेश दिले. वांद्रे परिसरामध्ये रिक्षावाल्यांवर लक्ष ठेवण्यासाठी रात्रीही कर्मचारी गस्त घालणार आहेत. 
- दिवाकर रावते, परिवहनमंत्री 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com