पीएमसी बॅंकेच्या आणखी एका खातेदाराचा मृत्यू 

मुंबई : पीएमसी बॅंकेच्या आणखी एका खातेदाराचा मृत्यू झाल्याची धक्कादायक घटना समोर आली आहे. मुलूंड येथे ही घटना घडली असून यामुळे सर्वत्र हळहळ व्यक्त केली जात आहे. आतापर्यंत पीएमसीच्या तीन खातेदारांचा मृत्यू झाला असून आजची ही चौथी घटना आहे. विशेष म्हणजे वैद्यकीय उपचारासाठी बॅंकेतून पैसे काढता न आल्याने हा मृत्यू झाल्याची खळबळजनक माहिती समोर आली आहे. 

मुरलीधर धर्रा हे मुलुंडचे रहिवाशी असून ते मागील काही दिवस आजारी होते. दरम्यान त्यांचे पीएमसी बॅंकेत खाते होते. त्यामुळे त्यांच्यावर वैद्यकीय उपचार करण्यासाठी त्यांचा मुलगा प्रेम याला बॅंकेतून पैसे काढता आले नाहीत. असा आरोप धर्रा यांच्या कुटुंबियाने केला आहे. गेल्या आठवड्याभरात पीएमएसी बॅंक खातेदारांपैकी हा चौथा बळी आहे.

आरबीआयने पीएमसी बॅंकेवर आर्थिक बंधने लादल्यानंतर बॅंकेच्या खातेधारकांनी तीव्र संताप व्यक्त केला होता. आंदोलने, मूक मोर्चा अशा विविध मार्गांनी खातेधारक आपला संताप व्यक्त करत होते. अशाच एका आंदोलनात सहभागी झालेल्या ओशिवरा योथील (59) खातेधारक संजया गुलाटी आणि फत्तेमुल पंजाबी (59) यांना आपला जीव गमवावा लागला आहे. तर अंधेरी येथील डॉ. योगिता बिजलानी यांचा ही मृत्यू झाला होता. या सर्वांचे पीएमसी बॅंकेत खाते होते.