भिवंडीत भीषण आगीत कारखाना जळून खाक

भिवंडी : आगीत जळून खाक झालेला कारखाना.
भिवंडी : आगीत जळून खाक झालेला कारखाना.

भिवंडी : भिवंडी शहरातील अंजूरफाटा परिसरातील धाग्यावर प्रक्रिया करणाऱ्या कारखान्यास बुधवारी पहाटे पाचच्या सुमारास भीषण आग लागल्याची घटना घडली. कामगारांनी आग विझवण्याचा प्रयत्न केला. मात्र, आगीने रौद्ररूप धारण केल्याने कामगारांचे प्रयत्न तोकडे पडले. माहिती मिळताच अग्निशमन दलाच्या दोन गाड्या घटनास्थळी दाखल होत त्यांनी तीन तासांत ही आग आटोक्‍यात आणली. शॉर्टसर्किटने ही आग लागल्याचे बोलले जात असून, या आगीत कारखान्यातील यंत्रसामुग्री व लाखो रुपयांचा धाग्याचा साठा जळून खाक झाला.
  
 भिवंडी-ठाणे महामार्गावरील अंजूरफाटा परिसरातील बद्रा कम्पाऊंड चंदन पार्क येथे धाग्यावर प्रक्रिया करून त्यास मजबूत करण्यासाठी ‘वेदांत टेक्‍सराईज्ड’ हा शुस्टिंग टिओफो मशीन असलेला कारखाना आहे. त्याबाहेर काही अंतरावर विद्युत पुरवठा करणारा ट्रान्स्फार्मर असून पहाटे कारखाना सुरू असताना शॉर्टसर्किट होऊन कारखान्यातील विद्युत यंत्रणेने पेट घेतला. आग लागल्याचे लक्षात येताच कामगारांनी अग्निप्रतिरोधक यंत्रणेने आग विझविण्याचा प्रयत्न केला; परंतु आग मोठ्या प्रमाणावर भडकल्याने कामगारांनी अग्निशमन दलास घटनेची माहिती दिली. सुदैवाने आगीत कोणतीही जीवितहानी झाली नाही.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com