कोरोना देशमुखांना झालाय की त्यांच्या मेंदूला झालाय; भाजपची जहरी टीका

मुंबई: देशाचे भूषण असलेल्या भारतरत्न गानकोकिळा लतादीदी आणि मास्टर ब्लास्टर सचिन तेंडुलकर यांनी देशहितासाठी केलेल्या ट्वीटची चौकशी करण्याचे गृहमंत्री अनिल देशमुख यांनी दिले. हे विधान ऐकून कोरोना त्यांना झालाय की त्यांच्या मेंदूला झालाय, असा प्रश्न पडतो, अशी जळजळीत टीका भाजप नेते आमदार अतुल भातखळकर यांनी केली आहे. 

तेंडुलकर, लता मंगेशकर आणि अन्य काही सेलिब्रिटींनी शेतकरी आंदोलनासंदर्भात केलेली ट्वीट सारखीच असल्याने त्यांच्यावर यासंदर्भात कोणी दबाव आणून ही ट्वीट करायला लावली का, याची चौकशी करण्याचे देशमुख यांनी नुकतेच जाहीर केले आहे. त्यासंदर्भात भातखळकर यांनी सोशल मीडियावर व्हिडिओ शेअर करून कठोर टीका केली आहे.

मुंबई विभागातल्या ताज्या बातम्या वाचण्यासाठी येथे क्लिक करा.

केवळ मत्सर आणि द्वेषापोटी हे महाभकास आघाडी सरकार महाराष्ट्राचेच नव्हे तर देशाचे भूषण असलेल्या मान्यवरांविरोधात काहीही कारण नसताना कारवाई करू पहात आहे. यावरून या सरकारचे डोके किती फिरले आहे हे तर स्पष्ट होतच आहे, पण कोरोना नेमका कोणाला झालाय, अनिल देशमुखांना की त्यांच्या मेंदूला, असा प्रश्न पडत असल्याची जळजळीत टीकाही भातखळकर यांनी केली आहे.

हेही वाचा- विनातिकीट प्रवाशांना पकडण्यासाठी टीसीची नवी शक्कल, कोट्यवधी दंड वसूल 

-----------------------------------

(संपादन- पूजा विचारे)

BJP leader MLA Atul Bhatkhalkar criticized Home Minister Anil Deshmukh